कोलकाता, 27 अगस्त (हि.स.)। पश्चिम बंगालकी मुख्यमन्त्री ममता ब्यानर्जीले हावड़ा निवासी वेटलिफ्टर कोयल बरलाई कमनवेल्थ च्याम्पियनशिपमा प्राप्त ऐतिहासिक सफलताको निम्ति बधाई दिएकी छन्। कोयलले अहमदाबादमा आयोजित प्रतियोगितामा लगातार तेस्रो पटक पनि विश्व रेकर्डलाई पछि पार्दै दुई वटा स्वर्ण पदक हत्याउन सफल भइन्।

मुख्यमन्त्रीले बुधवार ट्वीट गरी लेखिन्, “हाम्री बंगालकी छोरी, हावड़ा निवासी कोयल बरले अहमदाबादमा आयोजित वेटलिफ्टिंग कमनवेल्थ च्यम्पियनशिपमा विश्व रेकर्डको ह्याट्रिक गर्दै दुई वटा स्वर्ण पदक जितेर बंगाललाई गौरवान्वित तुल्याएकी छन्। म उनलाई आफ्नो हार्दिक शुभकामना एवं स्नेह प्रेषित गर्दछु। उनका अभिभावक एवं कोचलाई पनि बधाई दिन्छु। उनले अझ भनिन्, कोयलले भविष्यमा अझ उत्कृष्ट प्रदर्शन गर्नेछन् साथै ओलम्पिक खेलमा पदक जितेर बंगालको मानलाई अझ बढ़ाउनेछन्। ममता ब्यनर्जीले आश्वासन दिइन्, राज्य सरकार उनको हरेक आवश्यकतामा उनको साथमा रहनेछ।

हिन्दुस्थान समाचार / उष्णता छेत्री शर्मा