कोलकाता, 27 अगस्त (हि.स.)। मुर्शिदाबाद जिल्लाको बड़त्राबाट तृणमूल कंग्रेसका विधायक जीवनकृष्ण साहा फेरि एकपटक प्रवर्तन निदेशालय (ईडी)-को पञ्जामा परेका छन्। गए सोमवार उनलाई ईडीले पक्राउ गरेको थियो।
सूत्र अनुसार एजेन्सीले अब उनको विधानसभा वेतनसित सम्बन्धित ब्यांक खाताको जाँच शुरू गरिरहेको छ जसमा भ्रष्टाचारसित सम्बन्धित लेनदेन भएको हुनसक्ने आशंका व्यक्त गरिएको छ।
साहालाई यसपूर्व अप्रेल, 2023-मा एसएससी भर्ती घोटालाको आरोपमा सीबीआईले पक्राउ गरेको थियो। त्यसबेला उनलाई लगभग 13 महिना जेलमा बिताउनु परेको थियो। पक्राउपछि सीबीआईले उनको सबै ब्यांक खाताहरूलाई सिल गरिदिएको थियो जसले गर्दा विधानसभाबाट पाउने वेतन तथा विभिन्न समितिहरूको बैठकमा उपस्थिति भत्ता उनको खातामा पठाउनु बन्द गरिदियो।
मई, 2024- मा सुप्रीम कोर्टबाट जमानत पाएपछि उनले पुनः विधायकको रूपमा कामकाज शुरू गरे। यसको लागि विधानसभा सचिवालयमा निवेदन गरेर आफ्नो वेतन खातालाई पुनः सुचारू बनाए। तबदेखि अहिलेसम्म साहाले यसै खाताको माध्यमबाट केही वित्तीय लनदेन गरे जसको बारेमा ईडीलाई जाँच अवधि थाहा लाग्यो।
वर्तमानमा पश्चिम बंगाल विधानसभाका प्रत्येक विधायकलाई वेतन र भत्ता सहित 1.21 लाख रुपियाँ प्रति महिना प्राप्त हुन्छ। यसमा साहालाई विधायकको रूपमा लगभग 61 हजार वेतन तथा उच्च शिक्षा विषयक समिति एवं सब-अर्डिनेट लेजिस्लेटिभ कमिटीको बैठकमा उपस्थित भएको अतिरिक्त राशि प्राप्त भइरह्यो। जेलबाट रिहा भएपछि विधानसभाले उनको लम्बित वेतन र भत्ता पनि यसै खातामा जमा गरिदियो।
तथापि विधानसभा सचिवालयको भनाइ छ, अहिलेसम्म ईडीको पक्षबाट औपचारिक रूपमा कुनै प्रकारको जानकारी मागिएको छैन। तर सूत्रको दाबी छ, आगामी दिनमा जीवनकृष्ण साहाको यो वेतन खातालाई ईडीद्वारा सीज गरिने पूर्ण सम्भावना छ।
हिन्दुस्थान समाचार / उष्णता छेत्री शर्मा