इम्फाल, 27 अगस्त (हि.स.)। मणिपुरमा सुरक्षा बलहरूले आफ्नो अभियानलाई निरन्तर तीव्रता दिँदै आइरहेको छ भने यसै क्रममा सुरक्षा बलहरूलाई ठूलो सफलता हासिल भएको छ। बितेको 24 घण्टाभित्रमा विभिन्न जिल्लाहरूबाट हतियार जफत गरियो, उग्रवादी तथा वाहन चोरहरूलाई पक्राउ गरियो साथै लाखौं रुपियाँको नशालु गोलीहरू पनि जफत गरियो।
पुलिस प्रवक्ताले बुधवार बताए, जिरिबाम जिल्लाको जिरिबाम थाना क्षेत्रस्थित रशिदपुर क्षेत्रबाट सुरक्षा बलहरूले प्रचुर मात्रामा हतियार एवं सैन्य सामग्रीहरू जफत गरे। जफत गरिएका सामग्रीहरूमा क्रमैले 7.62 एमएम एसएलआर, 5.56 एमएम इंसास राइफल, दुई वटा पेस्तोल, छ वटा ह्याण्ड हेल्ड रेडियो सेट, एउटा चार्जर, दुई वटा म्यागजिन, अलग-अलग क्यालिबरको 41 राउण्ड गोली, एक पाउच र दुई जोड़ी जंगल शू सामेल छन्।
यसपूर्व इम्फाल ईस्ट जिल्लाको लामलाई थाना अन्तर्गत नपेट पल्लिबाट प्रतिबन्धित संगठन प्रीपाक (प्रो)- का क्याडर नोंगमैथम नाओचा मैतेई (26)-लाई पक्राउ गरिएको थियो। आरोपी इम्फाल ईस्टको याईंगांगपोकपी माखा लेइकाई निवासी रहेको बताइन्छ।
चुराचाँदपुर जिल्लामा एस मुन्नुआम क्षेत्रबाट मन्नेइहोई बाईते (49)-लाई उसको घरबाटै पक्राउ गरियो। उसको कब्जाबाट 12 सय डब्ल्यूवाई ट्याबलेट जफत गरियो जसको मूल्य लगभग 10 लाख रुपियाँ रहेको अनुमान लगाइएको छ।
यसै क्रममा वाहन अपराध विरूद्ध पुलिसले थौबल जिल्लाको लिलोंग क्षेत्रबाट दुईजना वाहन चोरहरूलाई पक्राउ गऱ्यो। पक्रा पर्ने आरोपीहरूको पहिचान मोहम्मद असिकुर रहमान (25) र मोहम्मद यूमखैबाम मोशिल खान (23)- को रूपमा भएको छ। यिनीहरूबाट एउटा एउटा अल्टो कार र मोबाइल फोन जफत गरिएको छ।
मणिपुर पुलिसले भन्यो, हतियार, नशालु पदार्थ, उग्रवाद तथा वाहन अपराधहरूविरूद्ध अभियान लगातार जारी छ।
हिन्दुस्थान समाचार / उष्णता छेत्री शर्मा