मालदा, 27 अगस्त (हि. स.)। रेलवे लाइनको किनारा एउटा रातो रंगको कपड़ामा बेरिएको शिशुको शव भेटिनाले कोकोहोलो मच्चियो।

प्राप्त जानकारी अनुसार बुधवार बिहान रेलवे लाइनको किनारा रातो रंगको कपड़ामा केही बेरिएको देखेर स्थानीय मानिसहरूलाई शंका लाग्यो। उनीहरूले छेउमा गएर हेर्दा कपड़ाको वरिपरी झिंगा भन्किरहेको थियो। कपड़ालाई हटाउँदा नवजात शिशुको शव देखियो। उक्त क्षेत्रमा न कुनै मेडिकल कलेज छ न कुनै नर्सिंग होम नै छ। नवजात शिशुको शवलाई लिएर नानाथरीका प्रश्नहरू उठ्न थालेका छन्।

स्थानीय निवासी अभिराम सूत्रधरले बताए, म रेलवे लाइनको किनारबाट गइरहेको थिएँ। अचानक मेरो आँखा रातो रंगको कपड़ामा पऱ्यो। त्यसपछि मैले वरपरका मानिसहरूलाई बोलाएँ। मैले कपड़ा हटाएर हेर्दा नवजात शिशु देखियो। उनको दाबी छ, शव नवजात बालकको हो। मृत्यु भएपछि उसलाई यहाँ ल्याएर फालिएको हुनसक्छ।

स्थानीय निवासी दुर्गा पालले बताए, नवजातको मृत्युपछि यहाँ ल्याएर फालिएको हो भन्ने लागिरहेको छ। तर कसैले शवलाई यसरी किन फाल्नसक्छ? अर्कोतिर सूचना पाएपछि रेलवे पुलिसले घटनास्थलमा पुगेर शवलाई पोस्टमर्टम गर्नको लागि पठाइदियो।

हिन्दुस्थान समाचार / उष्णता छेत्री शर्मा