गान्तोक, 27 अगस्त (हि.स.)। सिटिजन एक्सन पार्टी (सीएपी) सिक्किमका अध्यक्ष गणेश कुमार राईले गणेश चतुर्थीको शुभ अवसरमा सिक्किमका जनतालाई हार्दिक बधाई एवं शुभकामना व्यक्त गरेका छन्।

सीएपी अध्यक्षले आफ्नो सन्देशमा भने, विघ्नहर्ता, बुद्धि र समृद्धिका अग्रदूत भगवान गणेशले साँचो शक्ति नम्रता, ज्ञान र भक्तिमा निहित हुन्छ भन्ने सम्झाउनु हुन्छ। विघ्नहर्ता गणेशको आशीर्वादले सिक्किमका प्रत्येक घरमा शान्ति, खुशी र सद्भाव छाओस्।

उनले यस पवित्र दिनले हामीलाई धर्मको मार्गमा हिड्न, साहसपूर्वक चुनौतीहरू पार गर्न र एकता र सद्भावनामा आधारित भविष्य निर्माण गर्न प्रेरणा प्रदान गरोस् भनी कामना पनि गरेका छन्।

हिन्दुस्थान समाचार / बिशाल