धुबड़ी (असम), 27 अगस्त (हि.स.)। धुबड़ी जिल्लान्तर्गत गोलकगञ्जमा जेहादी संगठनसित सम्बन्ध रहेको आरोपमा एकजना शिक्षकलाई पुलिसले पक्राउ गरेको छ। शिक्षकको पहिचान शाह आलम सरकारको रूपमा भएको छ। शिक्षक लखिमारी मजलिया विद्यालयका शिक्षक रहेको बताइएको छ।

गोलकगञ्ज पुलिस सूत्रले बुधवार बतायो, शिक्षकमाथि बंगलादेशको जमात-ए-इस्लामीसित सम्बन्ध रहेको आरोप छ। पुलिसले शिक्षकलाई पक्राउ गरी जाँचबुझ गरिरहेको छ। शिक्षकको घर भारत-बंगलादेश सीमाको लखिमारी क्षेत्रमा अवस्थित छ। विद्यालयका अर्का शिक्षक हजरत अली वर्तमानमा भागेका छन्।

ज्ञात रहोस्, पक्रा पर्ने शाह आलम सरकारलाई यसअघि पनि खेल अवधि सृजित विवादमा एक निर्दोष युवकको हत्या गरेको आरोपमा जेलमा बस्नुपरेको थियो। उल्लेखनीय छ, केही दिनपूर्व गोलकगञ्जको भारत-बंगलादेश सीमामा बंगलादेशको जमात-ए-इस्लामी नामक अज्ञात मोबाइल नम्बरबाट भाजपाको गोलकगञ्ज मण्डल महासचिव अमूल्य राय तथा सीमान्त चेतना मञ्चको लक्ष्मीमारी खण्डका अध्यक्ष सुधिर सरकारलाई धम्कीपूर्ण अडियो सन्देश पठाइएको थियो।

दुई दिनपूर्वको घटनाको सन्दर्भमा गोलकगञ्ज पुलिसले बतायो, मजसिल-ए-तौहीद नामक बंगलादेशको कट्टरपन्थी संगठनद्वारा विभिन्न मानिसहरूलाई डर एवं धम्काएको आरोपमा लखिमारी नायेरछोरा गाउँबाट अली हुसैन बेपारी नामक एकजना युवकलाई पक्राउ गरिएको थियो। पुलिसले यस मामिलाको गहन रूपमा जाँचबुझ गरिरहेको छ।

हिन्दुस्थान समाचार / उष्णता छेत्री शर्मा