गान्तोक, 27 अगस्त (हि.स.)। राज्य धर्म मामिला एवं पीएचई विभाग मन्त्री सोनाम लामाले आज नयॉं दिल्लीमा केन्द्रिय जल शक्ति मन्त्री सीआर पाटिलसॅंग भेट गरेर सिक्किममा महत्वपूर्ण ढल निकास परियोजनाहरूमाथि चर्चा गरेका छन्।

केन्द्रिय मन्त्रीसॅंगको बैठकमा राबोङ र मल्लीको लागि ढल निकास सुविधाहरूमाथि चर्चा भएको विज्ञप्तिमा बताइएको छ। यसैगरी, हिमनदी फुटेर आएको बाढीले चुङथाङ र मङ्गनमा क्षतिग्रस्त बनाएको ढल निकास सुविधाहरूमा अतिरिक्त लागत प्रभावको लागि केन्द्रिय सहायताबारे पनि चर्चा गरियो।

केन्द्रिय मन्त्रीले यी मामिलाहरूको जाँच गर्ने र सम्भव भएसम्म सहयोग गर्ने आश्वासन दिएको विज्ञप्तिमा बताइएको छ।

हिन्दुस्थान समाचार / बिशाल