मुम्बई, 28 अगस्त (हि.स.)। महाराष्ट्रको पालघर जिल्लाको विरारमा अवस्थित चार तले भवनको एक भाग भत्किएर झरेको घटनामा बिहीवार ज्यान गुमाउनेहरूको संख्या बढ़ेर 15 पुगेको छ। घटनास्थलमा राष्ट्रिय आपदा प्रतिक्रिया बल (एनडीआरएफ), वसई-विरार नगर निगमको टीमले आज दोस्रो दिन पनि बचाउ कार्य गरिरहेको छ। यस घटनामा घाइते भएका नौजना मानिसहरूको उपचार वसई र विरारको निजी अस्पतालमा भइरहेको छ। यस घटनाको लागि जिम्मेवार बिल्डरलाई विरार पुलिसले पक्राउ गरी सम्पूर्ण मामिलाको जाँच गरिरहेको छ।

पालघरका जिल्ला आपदा प्रबन्धन अधिकारी विवेकानन्द कदमले बिहीवार पत्रकारहरूसित बातचित गर्दै भने, अहिलेसम्ममा भवनको अवशेषहरूबाट 24 जना मानिसहरूलाई बाहिर निकालिसकिएको छ जसमध्ये 15 जनाको मृत्यु भएको छ भने 9 जनालाई नजिकैको अस्पतालमा भर्ती गरिएको छ। मृतकहरूको पहिचान आरोही जोविल (24), उत्कर्षा जोविल (01), लक्ष्मण किस्कू सिंह (26), दिनेश सकपाल (43), सुप्रिया नेवालकर (38), पार्वती सकपाल (60), दीपेश सोनी (41), सचिन नेवालकर (40), हरीश सिंह बिष्ट (34), सोनाली तेजम (41), कशिश पवन साहनी (35), शुभांगी पवन साहनी (40), गोविन्द सिंह रावत (28), दीपक सिंह बोहरा (25) औ एकजना अन्यको रुपमा गरिएको छ भने घाइतेहरूमा प्रभाकर (57), प्रमिला प्रभाकर शिन्दे (50), प्रेरणा शिन्दे (20), प्रदीप कदम (40), जयश्री कदम (33), मिताली परमार (28), सञ्जय स्वपंत सिंह (24), मन्थन शिन्दे (19), विशाखा जोविल (24) सामेल छन् जसको वसई, नालासोपारा र विरारका विभिन्न अस्पतालहरूमा उपचार भइरहेको छ। घटनास्थलमा एनडीआरएफको 5औं बटालियनका दुई वटा टीम, वसई-विरार नगरनिगमको एक टीम तथा स्थानीय पुलिस राहत एवं बचाउ कार्यमा लागिपरेको छ।

विरार पुलिस स्टेशनका एक जना अधिकारीले बिहीवार बताए, यस घटनाको लागि जिम्मेवार बिल्डर नितल गोपीनाथ साने तथा जमीन मालिकविरूद्ध मामिला दर्ता गरिएको छ। बिल्डर नितल गोपीनाथ सानेलाई पक्राउ गरिएको छ। सम्पूर्ण मामिलाको अनुसन्धान जारी छ।

हिन्दुस्थान समाचार / उष्णता छेत्री शर्मा