इटानगर, 28 अगस्त (हि.स.)। अरुणाचल प्रदेशको सियांग जिल्लान्तर्गत पांगिन गाउँमा आदि समुदायले प्लास्टिकको सट्टा बाँस, पत्ता र हातले बनाएका कलाकृतिहरू अप्नाएर पर्यावरण अनुकूल ढंगमा सोलुंग उत्सव मनायो।
सियांग जिल्ला पर्यटन विभाग, मुहान, सोलंग समिति औ पांगिन समुदायद्वारा संयुक्त रूपमा आयोजित यस उत्सवमा सांस्कृतिक गौरव पर्यावरणीय जिम्मेवारीको साथमा कसरी जोड़िनसक्छ भन्ने कुरा स्पष्ट रूपमा देख्न पाइयो।
मुख्यमन्त्री पेम खाण्डुले समाजको यस विचारको सराहना गर्दै भने, सियांग जिल्ला पर्यटन, मुहान, सोलंग समिति तथा पांगिन समुदाय यस वर्ष सोलंग उत्सव मनाउनको लागि एक ठाउँमा आउनु भनेको साँच्चै नै प्रशंसनीय छ। प्लास्टिकको सट्टा बाँस र टोकोको पत्ता प्रयोग गरी, हातले रंगाएको ब्यानर प्रयोग गरी तथा रिती-थिती एवं पारम्परिक खेलहरूलाई पुनर्जीवित गरेर उनीहरूले सांस्कृतिक गौरव र जिम्मेवारीलाई सँगसँगै लिएर हिँड़्न सकिने उदाहरण पेश गरे।
आदि जीवनमाथि खुल्ला संग्रहालय, बाल-बालिका एवं महिलाहरूको पर्यावरण कार्यशाला तथा आकर्षक प्रदर्शनी जस्ता पहलहरूले यस उत्सवलाई एउटा आयोजन मात्र नभएर एउटा अनुभव बनाइदियो जसले विरासतलाई सम्मान गर्दै स्थिरतालाई प्रेरित गर्दछ। यो यस्तै एउटा मोडल हो जसलाई सबै पर्वहरूमा दोहोऱ्याउनुपर्छ।
हिन्दुस्थान समाचार / उष्णता छेत्री शर्मा