गुवाहाटी, 28 अगस्त (हि.स.)। केन्द्रिय गृहमन्त्री अमित शाहको दुई दिवसीय असम दौड़ाहलाई मध्यनजर गर्दै प्रदेश भाजपाले 18 सदस्यीय कोर कमिटी गठन गऱ्यो। केन्द्रिय मन्त्री शाहले बिहीवार राति यस कमिटीसित भेट गरी तयारीको समीक्षा गर्नेछन् अनि आगामी वर्ष 2026-को विधानसभा चुनाउको रणनीतिमाथि चर्चा गर्नेछन्।

बिहीवार प्रदेश भाजपा अध्यक्ष दिलीप सैकियाले बताए, यो कमिटी राष्ट्रिय अध्यक्ष जेपी नड्डाको स्वीकृतिमा बनाइएको हो। यस कमिटीमा मुख्यमन्त्री डा. हिमन्त बिस्व सरमा, केन्द्रिय मन्त्री सर्बानन्द सोनोवाल र पबित्र मार्घेरिटा सहित राष्ट्रिय सचिव कमाख्या प्रसाद तासा, मन्त्री अशोक सिंघल, रनोज पेगु औ रञ्जीत कुमार दास सामेल छन्। पूर्व अध्यक्ष भवेश कलितालाई पनि यहाँ स्थान दिइएको छ। यस अतिरिक्त तीनजना उपाध्यक्ष अशोक भट्टचार्य, रेखारानी दास बोड़ो एवं मून स्वर्णकार, पाँच जना महासचिव जीआर रविन्द्र राजू, दिप्लु रञ्जन शर्मा, पल्लब लोचन दास, ऋतुपर्ण बरुवा औ अनुप बर्मनलाई सामेल गरिएको छ। पूर्व सांसद राजदीप राय पनि यस प्यानलमा सामेल छन्। विशेष आमन्त्रित सदस्यहरूमा प्रदेश प्रभारी हरिश द्विवेदी, पूर्वोत्तर समन्वयक सम्बित पात्रा औ सह-समन्वयक वी मुरलीधरनलाई स्थान दिइएको छ।

सैकियाले बताए, यस कमिटीको मुख्य उदेश्य चुनावी रणनीति तयार गर्नु, संगठनका विभिन्न स्तरहरूमा समन्वय स्थापित गर्नु तथा धरातलीय कार्यकर्ताहरूलाई सक्रिय बनाएर पार्टीको आधारलाई मजबुत बनाउनु हो। उनले स्पष्ट पारे, आगामी वर्ष 2026-मा लगातार तेस्रो पटक सत्तामा फर्किने लक्ष्य लिएर उनी हिँड़िरहेका छन्।

हिन्दुस्थान समाचार / उष्णता छेत्री शर्मा