कोलकाता, 28 अगस्त (हि.स.)। आरजी कर मेडिकल कलेज एवं अस्पतालकी महिला चिकित्सकको दुष्कर्म तथा हत्याको मामिलामा नयाँ शिराबाट जाँच तथा त्यसमाथि निगरानी गर्ने मागलाई लिएर दर्ता याचिका अब कलकत्ता उच्च न्यायालयको डिभीजन बेञ्चमा सुनवाईको लागि पुग्नसक्छ। न्यायमूर्ति तिर्थंकर घोषको एकल पीठले पीड़ित परिवारको पक्षबाट दर्ता यस नयाँ आवेदनको कपी मुख्य न्यायीधीशलाई पठाएका छन्।

न्यायालयको भनाइ छ, किनभने यस मामिलासित सम्बन्धित अन्य दुई वटा याचिकाहरू क्रमैले केन्द्रिय अन्वेषण ब्यूरो (सीबीआई) र आरोपी सञ्जय रायको पहिलाबाटै डिभीजन बेञ्चमा विचाराधिन छ, त्यसैले परिवारको नयाँ याचिकामाथि पनि सोही पीठमा सुनवाई हुनुपर्छ। सूत्र अनुसार यो मामिलालाई अब न्यायमूर्ति देवान्शु बसाकको अध्यक्षतामा रहेको डिभीजन बेञ्चलाई पठाउनसक्छ।

बितेको वर्ष अगस्त महिनामा आरजी कर मेडिकल कलेजमा एकजना महिला चिकित्सकको दुष्कर्म एवं हत्या भएको घटनाले सम्पूर्ण राज्यलाई झक्झकाएको थियो। मामिलामा सबैभन्दा पहिला सिभिक भोलन्टियर सञ्जय रायलाई कोलकाता पुलिसले पक्राउ रेको थियो। पछि जाँचको जिम्मेवारी सीबीआईलाई सुम्पिएपछि एजेन्सीले आरोपीलाई हिरासतमा लिएर जाँचबुझ गऱ्यो। तल्लो अदालतले यसपूर्व सिभिक भोलन्टियरलाई आजीवन कारावासको सजाय सुनाइसकेको छ।

पीड़िताको परिवारले दिसम्बर, 2024- मा नयाँ शिराबाट जाँच गर्ने माग गर्दै याचिका दर्ता गरेको थियो। अब यस याचिकामाथि पनि उच्च न्यायालको डिभीजन बेञ्चमै सुनवाई हुने सम्भावना छ।

हिन्दुस्थान समाचार / उष्णता छेत्री शर्मा