कोलकाता, 28 अगस्त (हि. स.)। पश्चिम बंगालकी मुख्यमन्त्री ममता ब्यनर्जीले तृणमूल छात्र परिषद (टीएमसीपी)- को स्थापना दिवसमा संगठनका नयाँ-पुराना सबै सदस्यहरूलाई बधाई एवं शुभकामना दिइन्। उनले भनिन्, टीएमसीपी तृणमूल परिवारको अभिन्न अंग हो र राज्यलाई अधिक सशक्त एवं विकसित बनाउने लड़ाईँमा यो संगठनले निरन्तर सक्रिय भूमिका निभाउँदै आइरहेको छ।

मुख्यमन्त्रीले आफ्नो सन्देशमा भनिन्, म तृणमूल छात्र परिषदका नयाँ-पुराना सबै साथीहरूलाई राष्ट्रवादी बधाई दिन्छु। यो संगठन तृणमूल परिवारको अविभाज्य भाग हो। बंगालको विकास तथा सशक्तिकरणको लागि हाम्रो लड़ाईँमा छात्र परिषद पनि काँधमा काँध मिलाएर हिंड़िरहेको छ।

ममता ब्यनर्जीले युुवाहरूलाई सम्बोधन गर्दै अन्यायको विरोधमा डटेर सामना गर्ने सन्देश दिइन्। उनले भनिन्, आज यस विशेष दिनमा म आफना नवयुवक साथीहरूसित भन्न चाहन्छु कि कुनै पनि परिस्थितिमा अन्यायसित सम्झौता नगर्नुहोला। शिर उच्च गरेर जिउनुहोस् अनि अन्यायको विरोधमा हरेक संघर्षमा मलाई सदैव तपाईहरूको साथमा पाउनु हुनेछ।

मुख्यमन्त्रीले विद्यार्थीहरूलाई शुभकामना दिँदै भनिन्, उनीहरू स्वस्थ एवं सुरक्षित रहुन्। आफ्नो सन्देशको अन्तमा उनले “जय हिन्द” र “जय बंगला”- को उद्घोष समेत गरिन्।

हिन्दुस्थान समाचार / उष्णता छेत्री शर्मा