जलपाईगुड़ी, 28 अगस्त (हि.स)। चितुवाको हमलामा एक जना नाबालिकको मृत्यु भएको छ। यो घटना जिल्लाको नागराकाटा ब्लक अन्तर्गत आंगराभाषा 2 नम्बर ग्राम पञ्चायतको खुटाबाड़ीमा भएको हो। मृतक नाबालिकको नाम मोहम्मद करिमुल हक (12) हो जो छैटौं श्रेणीका छात्र थिए। यस घटनापछि सम्पूर्ण क्षेत्रमा शोक व्याप्त भएको छ।

स्थानीय सूत्र अनुसार गए साँझ एउटा चितुवाले नाबालिकलाई घर अगाड़िबाट लिएर गयो। यो दृश्य देखेर स्थानीय मानिसहरू चिच्याउँदै गुहार माग्न थाले। त्यसपछि चितुवाले नाबालिकलाई केही टाड़ामा लगेर छोड़ेर भाग्यो। पछि स्थानीय मानिसहरूले नाबालिकको शवलाई रक्तरञ्जित अवस्थामा भेटे। यसबीच घटनाको खबर पाउनसाथ बानरहाट थानाको पुलिससँगसँगै बिन्नागुड़ी र डायना रेञ्जका वन विभागीय अधिकारीहरू पनि घटनास्थलमा पुगे। घटनास्थलमा प्रशासनिक अधिकारीहरूले आक्रोशित ग्रामीणहरूको विरोधको सामना गर्नुपऱ्यो। वन विभागीय कर्मचारीहरूले क्षेत्रलाई घेरेर चितुवालाई खोज्न शुरू गरेका छन्।

हिन्दुस्थान समाचार / उष्णता छेत्री शर्मा