-एसपीले गराए सतर्क: अनजान लिंक र रिमोट एक्सेस एप्सदेखि सतर्क रहौं, ब्यांकिंग विवरण साझा गर्नदेखि बचौं

फतेहाबाद, 28 अगस्त (हि.स.)। अनलाइन लेनदेन औ किनमेलको बढ़्दो चलनसितै साइबर ठगीका मामिलाहरू पनि निरन्तर बढ़िरहेको छ। विशेष गरी एनी डेस्क जस्तो रिमोट एक्सेस मोबाइल एप्लिकेशनलाई प्रयोग गरी साइबर अपराधीहरूले आम नागरिकहरूलाई लक्षित गरिरहेका छन्। यसैलाई मध्यनजर गर्दै पुलिस अधीक्षक फतेहाबाद सिद्धान्त जैनले बिहीवार जनजागरणको लागि एक एडभाइजरी जारी गरेका छन्।

पुलिस अधीक्षकले बताए, साइबर ठगले एनी डेस्क एपको दुरूपयोग गरी मोबाइल फोनमा घुसपैठ गर्दछ अनि मानिसहरूको ब्यांक खातासित सम्बन्धित संवेदनशील जानकारीहरू जुटाउँछ। यो एउटा रिमोट डेस्कटप टुल हो जसले अन्य कुनै पनि व्यक्तिलाई तपाईको मोबाइल वा कम्प्यूटरको स्क्रीनलाई टाड़ा बसेर पनि हेर्ने र नियन्त्रण गर्ने अनुमति दिन्छ।

एसपीले बताए, ठगले प्रायजसो सोशल मीडिया, व्हाट्सएप वा अन्य प्लेटफर्मको माध्यमबाट एनी डेस्कको लिंक पठाउँछ। कुनै बेला उसले आफूलाई कस्मटर केयर प्रतिनिधि बताएर कुनै समस्या समाधानको बाहनामा यूजरसित एनी डेस्क वा टीम व्यूअर जस्तो एपलाई डाउनलोड गर्न लगाउँछ। एप इन्स्टल भएपछि उसले 9 अंकको रिमोट एक्सेस कोड माग्छ। यूजरले यो कोड एवं आवश्यक अनुमति दिनसाथ ठगले उसको मोबाइल फोनको स्क्रीनलाई लाइभ देख्नसक्छ अनि ब्यांकिंग गतिविधिहरूलाई रेकर्ड गर्छ। यो एपले फोन लक भएपछि पनि ब्याकग्राउण्डमा काम गर्छ जसबाट यो झन् खतरनाक हुन्छ। पीड़ितले आफ्नो ब्यांकिंग वा यूपीआई एप प्रयोग गर्नसाथ ठगले त्यसमा दर्ता जानकारीहरू जस्तै यूजर आईडी, पासवर्ड, पिन आदि रेकर्ड गर्छ अनि पछि त्यसको गलत प्रयोग गर्छ।

पुलिस अधीक्षकले नागरिकहरूसित अपील गरेका छन्, कुनै पनि अनजान व्यक्तिद्वारा पठाइएको एप लिंकमा क्लिक नगर्नुहोला। ऐनी डेस्क, टीम व्यूअर जस्तो रिमोट एक्सेस एप्स आफ्नो मोबाइलमा डाउनलोड नगर्नुहोला। आफ्नो ब्यांक खाताको जानकारी, पासवर्ड, पिन वा ओटीपी कसैलाई पनि साझा नगर्नुहोला। यदि कुनै साइबर धोकाधड़ीको शिकार भएको आफूलाई महसूस भयो भने तुरून्त साइबर हेल्पलाइन नम्बरमा फोन कल वा पोर्टलमा गएर अनलाइन सिकायत गर्नुहोला। यस अतिरित्क नजिकैको थानामा रहेको साइबर हेल्प डेस्कमा पनि सम्पर्क गर्न सकिन्छ।

हिन्दुस्थान समाचार / उष्णता छेत्री शर्मा