मालदा, 28 अगस्त (हि.स)। एक जना पुलिसकर्मीमाथि टोटो चालकलाई निर्दयतापूर्वक कुटपिट गरेको आरोप लागेको छ। घटनामा गम्भीर रूपमा घाइते टोटो चालकको अस्पतालमा उपचार भइरहेको छ। यसबीच पुलिसको यस्तो व्यवहारको विरोधमा टोटो चालकको परिवार र स्थानीय बासिन्दाहरूले राष्ट्रिय राजमार्ग जाम गरेर विरोध गरे। बिहीवार मालदाको रतुआस्थित सामसी बाइपासमा भएको यस घटनाले जामकोस्थिति उत्पन्न भयो। लगभग दुई घण्टासम्म राष्ट्रिय राजमार्गमा जाम लाग्यो। अन्ततः सामसी चौकीको पुलिसले हस्तक्षेप गरेर जामलाई साम्य बनायो।

प्राप्त जानकारी अनुसार घाइते टोटो चालकको नाम यूनुस अली (35) हो जो सामसी ग्राम पञ्चायतको महेशपुर गाउँमा बस्छ। बिहीवार बिहान सामसी स्टेशनमा एक जना यात्रीलाई पुऱ्याएपछि उसले टोटोलाई सड़क किनारमा राखेर चियाको पसलमा चिया पिरहेको थियो। सोही समय सामसी चौकीको एक पुलिस वाहन त्यहाँ आइपुग्यो। आरोप छ, एक जना एएसआई र केही पुलिसकर्मीले वाहनबाट उत्रिनसाथ सोधे, सड़क किनारमा रहेको टोटो कसको हो। आरोप छ, यूनुसले टोटो आफ्नो रहेको बताउनसाथ उमाथि ती पुलिसकर्मी जाइलाग्यो। स्थानीय मानिसहरूले घाइते टोटो चालकलाई सामसी ग्रामीण अस्पतालमा भर्ती गराए। पछि उसको अवस्था गम्भीर भएपछि उसलाई मालदा मेडिकल कलेज एवं अस्पतालमा रेफर गरियो।

यसबीच यस घटनाको विरोधमा घाइते टोटो चालकको परिवार र अन्य टोटो चालकहरूले पुलिसको विरोधमा रोष व्यक्त गर्दै सामसी बाइपासमा राष्ट्रिय राजमार्गलाई जाम गरिदिए। घण्टौंसम्म जारी प्रदर्शनले राजमार्गमा भयानक जामको स्थिति उत्पन्न भयो। त्यसपछि सामसी चौकीबाट ठूलो संख्यामा पुलिस बल आएर आश्वासन दिएपछि जामलाई खोलाए।

तथापि यस सम्बन्धमा सशंकित एसडीपीओ सोमनाथ साहाले भने, घटनाको जाँच गरिँदैछ। आरोप साबित भयो भने आरोपी पुलिसकर्मी विरूद्ध कारबाही गरिनेछ।

हिन्दुस्थान समाचार / उष्णता छेत्री शर्मा