नयाँ दिल्ली, 28 अगस्त (हि.स.)। दिल्लीमा यमुनाको जलस्तरले बिहीवार खतराको निशान 205.33-लाई नाघिसकेको छ। यमुनाको जलस्तर पहाड़ी क्षेत्रमा वर्षा अनि हरियाणाको हाथिनी कुण्ड बाँधबाट लगातार पानी छोड़िएको कारणले खतराको निशानदेखि माथि पुगेको हो।
केन्द्रिय जल आयोग अनुसार यमुना नदीको जलस्तरले खतराको निशान 205.33 मीटरलाई पार गरी बिहीवार बिहान 8 बजे दिल्ली रेलवे ब्रिजमा 205.45 मीटरसम्म पुगेको छ। सरकारले यमुना किनारमा अवस्थित क्षेत्रहरूमा बसोबास गर्ने मानिसहरूलाई सुरक्षित स्थानमा स्थानान्तर गर्ने कार्य शुरू गरेको छ। सबै विभागले 24घण्टै सतर्क रहेर काम गरिरहेको छ। हाल स्थिति पूर्ण रूपमा नियन्त्रणमा छ। राहत अनि बचाउ कार्यको लागि 14 वटा महत्वपूर्ण स्थानहरूमा नाउँहरूलाई तैनाथ गरिएको छ। साथै यमुनाको पानीलाई मुख्य सड़कहरूमा पुग्न नदिन साथै ट्राफिकलाई प्रभावित हुनदेखि बचाउनको लागि सिचाई तथा बाढ़ी नियन्त्रण विभागलाई सबै आवश्यक कदम उठाउने निर्देश सरकारले दिएको छ। सबै रेगुलेटर्सलाई पूर्ण रूपले चालु राख्ने निर्देश पनि दिइएको छ।
यस अतिरिक्त डीएम ईस्टको कार्यालयमा “सेन्ट्रल फ्लड कन्ट्रोल रूम” शुरु गरिएको छ। यो केन्द्रले अब सम्पूर्ण दिल्लीको लागि एक केन्द्रिय समन्वय केन्द्रको रूपमा काम गरिरहेको छ भने सबै सिभिक एजेन्सीका प्रतिनिधिहरू यहाँ 24x7 तैनात छन्। यस वर्ष शहरमा सेन्ट्रल कन्ट्रोल रूम सहित 15 वटा वायरलेस स्टेशन स्थापना गरिसकिएको छ जसले यमुनको जलस्तर सहित जलभराउ भएका क्षेत्रहरूको हरेक समय निगरानी गरिरहेको छ। साथै राहत अनि बचाउ कार्यमा प्रयोग हुने सबै उपकरणहरूको जाँच पूरा गरिसकिएको छ भने सम्बन्धित विभागहरूले यमुना खाददर क्षेत्रमा बाढ़ीको स्थितिमा मानिसहरूलाई सुरक्षित स्थानमा पुऱ्याउने पुख्ता व्यवस्था गरेको छ।
---------------
हिन्दुस्थान समाचार / उष्णता छेत्री शर्मा