बागपत, 28 अगस्त (हि.स.)। उत्तर प्रदेशको बागपत जिल्लामा बागपत कोतवाली अन्तर्गत दुई दिनदेखि बेपत्ता बीएड छात्रको शव जंगलमा बिहिवार फेला परेको छ। मृतकको पहिचान गर्दै पुलिसले शवलाई पोस्टमार्टमको निम्ति पठाएर जाँच शुरू गरेको छ।

बागपत कोतवाली प्रभारी दीक्षित त्यागीले बताए, फैजपुर निनाना गाउँ निवासी आकाश बीएड छात्र थियो। छात्र दुई दिन अगाड़ी घरबाट निस्क्यो तर घर फर्केन। आज गाउँ नजिकको जंगलमा एक युवकको शव भेटियो। मृतकको पहिचान बेपत्ता छात्र आकाशको रूपमा गरिएको छ।

परिजनहरूसित सोधपुछमा थाहा लाग्यो कि मृतक छात्रले केही दिनदेखि बहालगढ़ीको निजी कम्पनीमा नोकरी पनि गरिरहेको थियो। उनीहरूले छोराको हत्या गरी शवलाई खेतमा फ्याकिएको आरोप लगाएका छन्। यद्यपि, अहिले कुनै लिखित शिकायत दर्ता गरिएक छैन। शवलाई पोस्टमार्टमको निम्ति पठाइएको छ। पोस्टमार्टम रिपोर्ट आएपछि मात्र हत्याको कारणहरूको पत्तो लाग्नेछ। अहिले मामिलाको जाँच जारी छ।

हिन्दुस्थान समाचार / भवानी थामी