दार्जिलिङ, 28 अगस्त (हि.स.)। सेवक १० माईल अपहरण काण्ड विषय आज भारतीय जनता पार्टी जिल्ला समितिको एक टोलीले दार्जिलिङ जिल्ला पुलिसलाई विशेष अनुसन्धान टोली गठनको निम्ति ज्ञापनपत्र बुझाएको छ। नानी अपहरण भएको ६ दिन बितिसक्दा पनि पुलिस प्रशासनकोबाट कुनै ठोस कार्य नभएको भाजपाले आरोप लगाएको छ।
यस्तो हेलचक्राई र अनुसन्धन कार्यमा ढिलाई विरुद्ध प्रशासनलाई दबाउ दिॅंदै भाजपाले चॉंडोभन्दा चॉंडो अपहरण भएको नानीलाई खोजी निकाल्नु पर्ने माग राखेको छ। उक्त टोलीमा भाजपा दार्जिलिङ जिल्ला अध्यक्ष सञ्जीव लामा, महासचिव सुजेन्द्र राई, महिला मोर्चा अध्यक्षा चन्द्रकला राई, रेश्मा गुरुङ, युवा मोर्चा अध्यक्ष निरज राई आदि सामेल थिए।
उक्त ज्ञापन पत्र बुझाएपछि पत्रकारहरुलाई सम्बोधन गर्दै भाजपा अध्यक्ष सञ्जीव लामाले यस अपहरण प्रकरणले राज्यमा कानुन व्यवस्थाको स्थिति उदाङ्गो भएको बताए। उनले ६ दिनयता लापता १४ वर्षीय ईशान गुरूङ मामिलामा भाजपा जिल्ला समितिद्वारा विशेष जाँच दल गठन गरेर अनुसन्धान अघि बढाउनु पर्ने जिल्ला पुलिससमक्ष माग गरिएको बताए।
हिन्दुस्थान समाचार / हनोक
