घैयाबारी ग्राम पञ्चायत तीनद्वारा कुखुराका चल्लाहरु र हाँसका बच्चाहरु वितरण
घैयाबारी ग्राम पञ्चायत तीनद्वारा कुखुराका चल्लाहरु र हाँसका बच्चाहरु वितरण


खरसाङ, 28 अगस्त (हि.स.)। खरसाङ खण्ड अन्तर्गत घैयाबारी ग्राम पञ्चायत तीनमा आज 2 हजार कुखुराका चल्लाहरु र हाँसका बच्चाहरु वितरण गरिएको छ। घैयाबारी ग्राम पञ्चायत तीनकी पञ्चायत समिति सदस्या कुसुम प्रधानको सक्रियतामा एआरडी विभागको सहयोगमा पञ्चायत प्रधान सुष्मा वाईबा र उप प्रधान केवल राईको बाहुलीद्वारा कुखुराका चल्लाहरु र हाँसका बच्चाहरु वितरण गरियो।

यस वितरण कार्यमा प्राणी मित्र इसारा थापाको पनि उपस्थिति रहेको थियो। ग्राम पञ्चायतको तर्फबाट स्थानीयहरुलाई स्वनिर्भर बनाउन साथै सरकारी सहुलियतहरु प्रदान गर्ने उद्देश्यका साथमा दुई हजार कुखुराका चल्लाहरु र हाँसका बच्चाहरु वितरण गरिएको जानकारी प्राप्त भएको छ।

हिन्दुस्थान समाचार / हनोक


 rajesh pande