गान्तोक, 28 अगस्त (हि.स.)। हिमनदी अभियानको सातौं दिन टोलीलाई दुई उपसमूहमा विभाजन गरियो, जसमध्ये एक गान्तोक फर्किआएको छ भने अर्को उपसमूह ल्होनाक भ्यालीतर्क अगाडि बढेको छ। उपसमूह ए लुङनाक ला, डोनकियाला, लाचुङ, चुङथाङ, साफो, राङराङ हुॅंदै अन्तत: सफलतापूर्वक गान्तोक आइपुग्यो।

अर्कातिर, उपसमूह बी ल्होनाक भ्यालीतर्फ आफ्नो यात्रा जारी राख्दै दक्षिण ल्होनाक झील जाने बाटो जानकतिर अग्रसर बन्यो। यो अभियानलाई भारतीय सेनाले सहयोग गरेको थियो, जसको अल-टेरेन भेहिकलले नदीहरू पार गर्दै सुरक्षित मार्ग प्रदान गरेको थियो। यसैगरी, आईटीबीपीले महत्वपूर्ण चिकित्सा सहायता र उपग्रह सञ्चार समर्थन सहयोग गरेको बताइएको छ।

हिन्दुस्थान समाचार / बिशाल