खरसाङ, 28 अगस्त (हि.स.)। खरसाङ नगरपालिका अन्तर्गत वार्ड नम्बर 4 डुमाराममा अखिल भारतीय नेवार संगठन केन्द्रिय समितिको पहलमा एवं खरसाङ आञ्चलिक समिति श्री भीमेश्वर मन्दिरको देखरेखमा नेवार जातिको गुबाजु, देव बाजुहरूको प्रशिक्षण केन्द्रको उद्घाटन गरिएको छ। उक्त केन्द्रको उदघाटन अखिल भारतीय नेवार संगठन केन्द्रिय अध्यक्ष सूर्यनारायण प्रधानको बाहुलीबाट सम्पन्न गरियो।
कार्यक्रममा केन्द्रिय महासचिव सञ्जयमणि प्रधान, सचिव उत्तम प्रधान, उपाध्यक्ष दिपक प्रधान, सल्लाहकार प्रभात प्रधान एवं अन्य केन्द्रिय सदस्यहरू साथै खरसाङ आञ्चलिक समिति भीमेश्वर मन्दिरका पदाधिकारीहरू र सदस्यहरूको उपस्थिति थियो। वार्ड नम्बर 8 को सार्वजनिक भवनमा आयोजित कार्यक्रमको अध्यक्षता मदन प्रधानले गरेको जानकारी अखिल भारतीय नेवार संगठन खरसाङ आञ्चलिक समितिका अध्यक्ष प्रकाश प्रधान र सहसचिव गणेश प्रधानले दिएका छन्।
हिन्दुस्थान समाचार / हनोक
