नयॉं दिल्ली, 28 अगस्त (हि.स.)। इन्टर मियामीले लीग्स कप 2025 को फाइनलमा स्थान पक्का गरेको छ। बिहिवार (भारतीय समयानुसार) चेस स्टेडियममा खेलिएको सेमिफाइनलमा टीमले फ्लोरिडा डर्बी प्रतिद्वन्दी अरल्याण्डो सिटीलाई 3-1 ले गराए।

लियोनेल मेसीको बलियो पुनरागमन र दोस्रो हाफमा गरेका दुई गोलले मियामीको जित सुनिश्चित गऱ्यो। अर्कातिर, टेलास्को सेगोवियाले इन्जुरी टाइममा गोल लगाएर जित पक्का गरे। यस जितका साथै मियामीले 31 अगस्तमा हुने फाइनलमा एलए गेलेक्सी र साउन्डर्ससँग खेल्ने अधिकार प्राप्त गरेको छ। साथै, टीमले 2026 कनकाकाफ च्याम्पियन्स कपमा पनि आफ्नो स्थान पक्का गरेको छ।

ओरल्याण्डो सिटीले पहिलो हाफको इन्जुरी टाइममा मार्को पासालिचको गोलका साथ बढत बनाएको थियो। तर, दोस्रो हाफमा खेल पूर्ण रूपमा परिवर्तन भयो। 77औं मिनटमा डेविड ब्रेकालोको रेड कार्डपछि प्राप्त भएको पेनल्टीलाई मेसीले गोलमा परिणत गरेर स्कोर 1-1 गरे।

यसपछि, 88औं मिन्टमा मेसीले आफ्नो पुरानो साथी जोर्डी आल्बासॅंगको उत्कृष्ट तालमेलमा दोस्रो गोल लगाए। स्टेडियममा उपस्थित दर्शकहरूको खुशीले आकाश छोएको थियो। यसैगरी, 91औं मिनटमा सेगोवियाले लुइस सुवारेजसॅंग वान-टू खेल्दै तेस्रो गोल लगाए र मियामीको जित निश्चित गरे।

अब ओरल्याण्डो सिटी र एलए गेलेक्सी अथवा सिएटल साउन्डर्सबीच 31 अगस्तमा थर्ड प्लेस म्याच हुनेछ र यो स्पर्धामा जित हासिल गरेर 2026 कनकाकाफ च्याम्पियन कपको टिकट हासिल गर्न प्रयास गर्नेछ।

हिन्दुस्थान समाचार / बिशाल