पाकिम, 28 अगस्त (हि.स.)। सिक्किमको रणनीतिक सीमा क्षेत्रहरूमा पूर्वाधार र क्षेत्रीय व्यापार सम्पर्क बढाउने उद्देश्यले नाथाङ-माचोङ निर्वाचन क्षेत्रकी विधायक पामिन लेप्चाले आज नाथाङ ग्राम पञ्चायत एकाइ अन्तर्गत प्रमुख स्थानहरूको उच्चस्तरीय संयुक्त निरीक्षण गरिन्। उनले छाङ्गु पोखरी, शेरेथाङ र नाथुला सीमा क्षेत्र भ्रमण गरिन्। निरीक्षण गरिएका क्षेत्रहरूमा क्षेत्रीय व्यापार पूर्वाधार बढाउने र विकास चुनौतीहरूलाई सम्बोधन गर्ने कुरामा विशेष ध्यान केन्द्रित गरिएको थियो।
निरीक्षणको क्रममा विधायकसँगै विभिन्न विभागका वरिष्ठ अधिकारीहरू पनि थिए। संयुक्त निरीक्षण शेरेथाङ मार्ट वरिपरि केन्द्रित थियो, जुन भारत-चीन सीमा नजिकैको एक महत्त्वपूर्ण आर्थिक र रसद केन्द्र हो जसले व्यापारिक मौसममा सीमापार व्यापारमा महत्त्वपूर्ण भूमिका खेल्छ। यस क्रममा सडकको अवस्था, विद्युत आपूर्ति र विद्युतीय पूर्वाधार, मार्ट हाउस र ट्रेड शपिङ कम्प्लेक्स, आवश्यक सुविधाहरू र समर्थन पूर्वाधारबारे व्यापक छलफल गरिएको थियो।
विधायक लेप्चाले शेरेथाङ र वरपरका क्षेत्रहरूको रणनीतिक महत्त्वमाथि प्रकाश पार्दै यो क्षेत्र आर्थिक विकासको लागि मात्र होइन तर राष्ट्रिय सुरक्षाको लागि पनि महत्वपूर्ण रहेको बताइन्। उनले चुनौतीहरूलाई समग्र र कुशलतापूर्वक सम्बोधन गर्न अन्तर-विभागीय समन्वयको आवश्यकतामा जोड दिइन्।
हिन्दुस्थान समाचार / बिशाल
