कालेबुङ, 28 अगस्त (हि.स.)। इण्डियन गोर्खा जनशक्ति फ्रण्टका प्रमुख संयोजक अजय एडवर्ड्स अनि टोलीले आज कालेबुङ ३९ नम्बर समष्टिको रम्फू क्षेत्रमा ४ अक्टोबर, २०२३ दिन आएको बाढीको प्रकोपमा घर गुमाउनेहरुमध्ये दुईजनाको घर बनाएर उद्घाटन गरेका छन्। अजय एडवर्ड्सले दुईजना बाढ पीडितहरू फूलमाया विश्वकर्म अनि शान्ति दर्जीको घरको उद्घाटन गरेर घरको चाबी सुम्पिएका छन्।

यसरी प्राकृतिक प्रकोपमा परेर गुमाएका घरहरु बनाउने जिम्मा स्थानीय जीटीए र बङ्गाल सरकारको भए तापनि सरकारी निकायहरु असमर्थ रहेपछि आफै अघि आएर एडवर्ड्स फाउण्डेसनको सहयोगमा दुईवटा घर निर्माण गरिएको अजय एडवर्ड्सले बताएका छन्।

हिन्दुस्थान समाचार / हनोक