नयाँ दिल्ली, 29 अगस्त (हि.स.)। दिल्लीको द्वारका जिल्लाको साइबर पुलिसले दिल्ली-एनसीआरमा भइरहेको हाई-प्रोफाइल एडमिशन फ्रड सिन्डिकेटको भण्डाफोड़ गर्दै दुई जना आरोपीहरूलाई पक्राउ गरेको छ। पुलिसले आरोपीहरूबाट 01 करोड़ 34 लाख 66 हजार रुपियाँ नगद, 6 वटा मोबाइल फोन र एउटा ल्यापटप जफत गरेको छ। आरोपीहरूले आफूलाई एडमिशन कन्सल्टेन्ट बताएर म्यानेजमेन्ट कोटामा प्रवेश दिलाउने प्रलोभन देखाउँथे अनि बल्क एसएमएस सेवाको माध्यमबाट अभिभावकहरूसम्म पुऱ्याउँथे।

द्वारका जिल्लाका पुलिस उपायुक्त अंकित सिंह अनुसार मामिला त्यसबेला सामू आयो जतिबेला दिल्ली पुलिसकी महिला हेड कन्स्टेबललाई आईपी यूनिभर्सिटीमा एडनिशनको एसएमएस आयो। बातचित पश्चात सूरजमल कलेजमा प्रवेशको नाममा उनीबाट 2.3 लाख रुपियाँ लिइयो। तर पछि आरोपीले फोन बन्द गरेर, अफिस खाली गराएर त्यहाँबाट भाग्यो। पुलिसले तकनिकी जाँच तथा डिजीटल ट्र्याकिंगबाट आरोपीहरूलाई गजियाबादको इन्दिरापुरमबाट पक्राउ गऱ्यो। पक्रा पर्ने आरोपीहरूको पहिचान कुशाग्र श्रीवास्तव (35) र चिन्मय सिन्हा (32)-को रूपमा भएको छ। दुवैले पेशागत रूपमै अभिभावकहरूबाट करोड़ौं रुपियाँ ठगी गरिसकेका छन्। प्रारम्भिक जाँचमा यस्ता 31 वटा मामिला दर्ता भएको पाइएको छ। जफत गरिएको नगद राशिको सूचना आयकर विभागलाई दिइएको छ। पुलिसले आरोपीहरूको नेटवर्कको पनि जाँच गरिरहेको छ।

हिन्दुस्थान समाचार / उष्णता छेत्री शर्मा