गुवाहाटी, 29 अगस्त (हि.स.)। असमका मुख्यमन्त्री डा. हिमन्त बिस्व सरमाले भने, आज राज्यलाई नयाँ राजभवन मात्र नभएर लाचित बरफूकन पुलिस अकादमी, देरगाउँमा राष्ट्रिय साइबर क्राइम फोरेन्सिक ल्याबोरेटरी एवं अनुसन्धान केन्द्र पनि प्राप्त भएको छ।
गुवाहाटीस्थित राजभवनको ‘ब्रह्मपुत्र विंग’ -को उद्घाटन केन्द्रिय गृहमन्त्री अमित शाहले गरे। यस अवसरमा मुख्यमन्त्रीले राजभवनको इतिहास स्मरण गर्दै भने, वर्ष 1980-मा यसको निर्माण राज्यपालको क्याम्प अफिसको रूपमा गरिएको थियो। वर्ष 1989- मा असमको लागि अलग राज्यपालको नियुक्ति शुरू भएपछि यसलाई पूर्ण राजभवनको स्वरूप दिइयो।
मुख्यमन्त्रीले भने, लगभग 3,340 वर्ग मीटर क्षेत्रमा निर्मित नयाँ राजभवन ब्रह्मपुत्रको प्राकृतिक सुन्दरताले घेरिएको छ भने यो देशका सबैभन्दा सुन्दर राजभवनहरूमध्ये एक हो।। उनले सको निर्माण कार्यमा पूर्व राज्यपालहरू क्रमैले जगदीश मुखी र गुलाबचन्द कटारियाका सुझाउहरूको उल्लेख गरे अनि वर्तमान राज्यपाल लक्ष्मण प्रसाद आचार्यको दूरदृष्टिको सराहना गरे।
यसको साथै गृहमन्त्री अमित शाहले भर्चुअली अन्य परियोजनाहरूको पनि उद्घाटन एवं शिलान्यास राखे जसमा राष्ट्रिय साइबर क्राइम फोरेन्सिक ल्याबोरेटरी, एसएसबी औ आईटीबीपीको आवासीय प्रकल्प तथा असम राइफल्सका विभिन्न परियोजनाहरू सामेल छन्।
राष्ट्रिय साइबर क्राइम ल्याबलाई लिएर मुख्यमन्त्रीले भने, लचित बरफूकन पुलिस अकादमी अब राष्ट्रिय स्तरको अकादमीको रूपमा विकसित भइसकेको छ। यहाँ असम पुलिससँगसँगै मणिपुर र गोवा पुलिसका जवानहरूलाई पनि प्रशिक्षण दिइँदैछ। उनले भने, यी पहलहरूबाट शासन व्यवस्था र कानून व्यवस्था सशक्त हुनेछ साथै असम समग्र विकास यात्रामा अझ अगाड़ि बढ़्नेछ।
हिन्दुस्थान समाचार / उष्णता छेत्री शर्मा