मालदा, 29 अगस्त (हि. स.)। जिल्लाको चांचलस्थित आश्रमपाड़ा क्षेत्रमा गए बिहीवार अबेर राति भाजपाका दुई गुटमाझ हिंसक झड़प भएको छ। यस घटनामा लगभग सातजना मानिसहरू घाइते भएका छन् भने पाँच जनालाई पुलिसले हिरासतमा लिएको छ। घाइतेहरूलाई अस्पतालमा भर्ती गरिएको छ।

स्थानीय सूत्र अनुसार चांचल ग्राम पञ्चायतको आश्रमपाड़ा बूथका भाजपा पञ्चायत सदस्य प्रसेनजीत शर्मा र थानापाड़ा बूथकी भाजपा पञ्चायत सदस्य सुमित सरकारका पतिबीच यो झड़प भएको हो। आरोप छ, झड़प दुवै पक्षका समर्थकहरूबीच कुनै पुरानो विवादलाई लिएर भएको थियो। घटनामा दुवै पक्षका लगभग सातजना मानिसहरू घाइते भए। घटनाको सूचना पाउनसाथ घटनास्थलमा पुगेको पुलिसले पाँच जना मानिसहरूलाई हिरासतमा लियो।

भाजपाको उत्तर मालदा संगठन महासचिव अभिषेक सिंघानियाले भने, वास्तवमा यो बबाल कुन कुरालाई लिएर भएको हो भन्ने कुराको पार्टीले जाँच गरिरहेको छ। पुलिसले सम्पूर्ण घटनाको जाँच शुरू गरेको छ।

हिन्दुस्थान समाचार / उष्णता छेत्री शर्मा