जम्मूमा शहीद भएका बीएसएफ जवानको पार्थिव शरीर दयापुर आइपुग्यो
जम्मूमा शहीद भएका बीएसएफ जवानको पार्थिव शरीर दयापुर आइपुग्यो


कछार (असम), 29 अगस्त (हि.स.)। जम्मूमा शहीद भएका सीमा सुरक्षा बल (बीएसएफ)- का जवान राजीव नूनियाको पार्थिव शरीरलाई कछार जिल्लान्तर्गत दयापुरस्थित उनको घरमा ल्याइएको छ। जवानको पार्थिव शरीरलाई सिलचरस्थित कुम्भीरग्राम एयरपोर्टमा ल्याइएपछि पूर्ण राजकीय सम्मानको साथमा दयापुर तर्फ प्रस्थान गराइयो।

गत बुधवार जम्मूमा आएको बाढ़ी अनि पैह्रोमा ड्यूटीमा खटिएका बीएसएफ जवान राजीव नूनिया शहीद भएका थिए। शहीदको शवलाई जम्मूबाट एयरलिफ्ट गरेर कछार ल्याइयो, त्यसपछि वीर जवानको पार्थिव शरीरलाई जन्मस्थली दयापुरस्थित उनको आवासमा ल्याइयो जहाँ अन्तिम संस्कार गरिनेछ। शव गाउँमा आइपुग्दा परिवार सहित सम्पूर्ण गाउँका मानिसहरूको आँखामा आँशु बगिरहेको थियो।

हिन्दुस्थान समाचार / उष्णता छेत्री शर्मा


 rajesh pande