नयाँ दिल्ली, 29 अगस्त (हि.स.)। दिल्लीकी मुख्यमन्त्री रेखा गुप्ता एवं अन्य मन्त्रीहरूले ‘हकीका जादूगर’ पद्म भूषण मेजर ध्यानचन्दको जयन्तीमा उनलाई विनम्र श्रद्धाञ्जली अर्पण गरे। यस अवसरमा ‘राष्ट्रिय खेल दिवस’-को सबै खेलाड़ी, कोच तथा खेल प्रतिभाहरूलाई हार्दिक बधाई एवं शुभकामना दिए।
मुख्यमन्त्रीले शुक्रवार एक्स पोस्टमा भनिन्, दिल्ली सरकार खेलाड़ीहरूलाई विश्वस्तरीय इन्फ्रास्ट्रक्चर तथा ग्लोबल प्लेटफर्म उपलब्ध गराउनको लागि प्रतिबद्ध छ। साथै उनीहरूलाई देशको सबैभन्दा ठूलो पुरस्कार राशि तथा सरकारी नोकरीको प्रोत्साहन दिएर यो सुनिश्चित गरिँदैछ कि प्रतिभाशाली युवाहरूले कुनै किसिमको चिन्ता नलिई आफ्नो खेलमा श्रेष्ठता हासिल गर्न सकुन् अनि दिल्ली लगायत देशको सुनाम फैलाउन्।
पर्यावरण मन्त्री मनजिन्दर सिंह सिरसाले भने, आज राष्ट्रिय खेल दिवसमा सर्वोदय बाल विद्यालय अशोक नगरमा आयोजित महिला हकी लीग-2025 मा छोरीहरूको खेलप्रति उत्साह तथा पागलपनलाई देखेर अपार खुशी एवं गर्व अनुभव भयो। उनले भने, प्रधानमन्त्री नरेन्द्र मोदीले सदैव छोरीहरूलाई शक्ति स्वरूपा मान्दै उनीहरूलाई शिक्षा, सम्मान एवं खेलको हरेक क्षेत्रमा अगाड़ि बढ़ाउनको लागि प्रेरित गर्दछन्। यसै भावनालाई अगाड़ि बढ़ाउँदै मुख्यमन्त्री रेखा गुप्ता पनि राजधानीमा छोरीहरूलाई सशक्त बनाउन र उनीहरूलाई हरेक क्षेत्रमा अवसर उपलब्ध गराउनको लागि निरन्तर कार्यरत छन्।
लोक निर्माण विभागीय मन्त्री प्रवेश साहिब सिंहले मेजर ध्यानचन्दको जयन्तीमा उनलाई शत्-शत् नमन गरे। उनले एक्स पोस्टमा भनेका छन्, मेजर ध्यानचन्दको समर्पण, अनुशासन एवं अद्वितीय खेल कौशल आगामी पिँढ़ीको लागि सदैव एक अमेट प्रेरणा बनिरहनेछ। पर्यटन मन्त्री कपिल मिश्राले भने, हकीका जादूगर मेजर ध्यानचन्दले आफ्नो अद्भुत खेलबाट भारतलाई विश्व पटलमा स्वर्णिम पहिचान दिलाए। उनको जयन्तीमा शत्-शत् नमन। उनको खेल एवं देशप्रति समर्पित जीवन हरेक खेलाड़ीको लागि प्रेरणा श्रोत हो।
स्वास्थ्य मन्त्री पंकज कुमार सिंहले एक्समा भने, मेजर ध्यानचन्दलाई कोटि-कोटि नमन। उनले सबै प्रदेशवासीहरूलाई 'राष्ट्रिय खेल दिवस'- को हार्दिक बधाई एवं शुभकामना दिए। कल्याण मन्त्री रविन्द्र इन्द्राजले मेजर ध्यानचन्दलाई शत्-शत् मन गरे। उनले एक्स पोस्टमा भने, ओलम्पिक खेलमा तीन वटा स्वर्ण पदक दिलाउने स महान खेलाड़ीको योगदानलाई राष्ट्रले सदैव स्मरण गर्नेछ।
हिन्दुस्थान समाचार / उष्णता छेत्री शर्मा