इम्फाल, 29 अगस्त (हि.स.)। मणिपुरमा पुलिस एवं सुरक्षा बलहरूको संयुक्त अभियान लगातार जारी छ। यसै क्रममा बितेको 24 घण्टाभित्रमा चारजना उग्रवादीहरू सहित पाँच जना मानिसहरूलाई पक्राउ गरिएको छ। पुलिसले यस अवधि ठूलो संख्यामा हतियार अनि गोला-बारूद पनि जफत गरेको छ।

मणिपुर पुलिस मुख्यालय अनुसार बितेको 28 अगस्तमा जिरीबामको मुलारगाओ गाउँबाट एक जना उग्रवादीलाई पक्राउ गरियो जसको पहिचान तामेंगलोंग जिल्ला निवासी हेनखोकाई सिंगसन (32)- को रुपमा भएको छ जसको कब्जाबाट 22 प्याकेट प्रतिबन्धित ब्राउन शुगर, एउटा वाहन र एउटा मोबाइल फोन जफत गरेको छ। यस अतिरिक्त इम्फाल जिल्लाका भिन्न-भिन्न स्थानहरूमा संचालित अभियानमा पुलिसले बलजफ्ती असुलीमा सामेल कंगलीपाक कम्युनिस्ट पार्टी (केसीपी-पीडब्ल्यूजी)- का सक्रिय कार्यकर्ता फंजौबाम रकी सिंह (30) र केसीपी (पीएससी)- का थंगजाम दिनेश सिंह (19)-लाई पक्राउ गऱ्यो। केसीपी (तैयबंगनबा)-का अर्का कार्यकर्ता मोइरंगथेम फ्रेण्डशिप मैतेई (35)-लाई काकचिंग जिल्लाबाट पक्राउ गरियो भने केवाईकेएलका एकजना कार्यकर्ता ताखेलचांगबाम इबोहानबी शर्मा (54)-लाई इम्फाल पूर्वबाट पक्राउ गरियो।

पक्राउसँगसँगै हतियार तथा गोला-बारूदको भण्डार पनि जफत गरियो। सुरक्षा बलहरूले बिष्णुपुर जिल्लाको फुबाला पट्टन ममांग क्षेत्रबाट एउटा एसएलआर राइफल, एउटा .303 राइफल, एसबीबीएल र डीबीबीएल बन्दुक तथा एउटा माइन बम जफत गरियो। जिरीबाम जिल्लामा पाँचवटा देशी एसबीबीएल बन्दुक, 33 वटा एके-47 राइफल, बारूदका शीशिहरू, एउटा वकी-टकी, शिशाको टुक्रा तथा बारूद भर्नको लागि प्रयोग हुने फलामको छड़ जफत गरियो। यसरी नै इम्फाल पूर्वको उरण-चिरू गाउँको तलहटीमा तीन वटा इंसास राइफल, एउटा एके-56, दुई वटा घातक एके-47 राइफल, एउटा एसएलआर, एउटा एमपी 5 राइफल औ 230 भन्दा अधिक विभिन्न प्रकारका कारतूसहरू जफत गरियो।

यसबीच मणिपुर पुलिसले मोटर वाहन अपराध विरूद्ध आफ्नो अभियान जारी राख्दै बिहीवार मात्र 1.2 लाख रुपियाँको 56 वटा चलान जारी गऱ्यो भने एक दिनअघि चारवटा वाहनहरूबाट रंगीन फिल्मलाई हटाइएको थियो।

अधिकारीहरूले भने, यो अभियानले राज्यभरि नै उग्रवाद, मादक पदार्थहरूको तस्करी तथा कानून-व्यवस्थाको उल्लंघनलाई रोक्नको लागि मणिपुर पुलिस र सुरक्षा बलहरूको निरन्तर प्रतिबद्धतालाई दर्शाउँछ।

हिन्दुस्थान समाचार / उष्णता छेत्री शर्मा