सिलगढ़ी, 29 अगस्त (हि.स.)। बिहारदेखि बंगालसम्म आयकर विभागले चर्चित व्यापारीहरूको कार्यालय, होटल, चिया फ्याक्ट्री एवं अन्य प्रतिष्ठानहरूमा छापा मारिरहेको छ।

भनिन्छ, आयकर विभागले शुक्रवार बिहान किशनगञ्जका व्यवसायी राजकरणको नेमचा रोड र बगत टोली रोडस्थित कार्यालय सहित मल, लग्जरी होटल, चिया बगान तथा फ्याक्ट्रीहरू सहित विभिन्न ठाउँमा छापामारीको कारबाही गऱ्यो। आयकर विभागका अधिकारीहरू बिहान पटनादेखि लगभग 50 वटा वाहनहरूमा सवार भएर बिहार आइपुगे अनि छापामारी शुरू गरे। यसमा अर्धसैनिक बल पनि उपस्थित छन्। उक्त व्यवसायीका विभिन्न प्रतिष्ठानहरूलाई घेरिएको छ।

सिलगढ़ीमा पनि व्यवसायीका विभिन्न प्रतिष्ठानहरूमा यसरी नै छापामारीको कारबाही भइरहेको छ। गुजरातको सूरत, फारबिसगञ्ज, पूर्णिया, गोलाबाग समेत केही स्थानहरूमा छापामारी गरिएको छ। यस अतिरिक्त उनका सयभन्दा अधिक कर्मचारीहरूलाई घरभित्रै जाँचबुझ गरिँदैछ। तथापि यस मामिलामा व्यवसायीको पक्षबाट कुनै प्रतिक्रिया सामु आएको छैन। आयकर विभागका अधिकारी अनुसार यो विशेष छापामारी हो।

हिन्दुस्थान समाचार / उष्णता छेत्री शर्मा