कोलकाता, 29 अगस्त (हि.स.)। पश्चिम बंगालकी मुख्यमन्त्री ममता ब्यानर्जीले शुक्रवार कवि नजरुल इस्लामको पुण्यतिथिमा उनलाई नमन गरिन्। उनले भनिनन्, उनको जीवन, आदर्श तथा साहित्य आज पनि मानिसहरूको मनमा जीवित छ। उनले सोशल मीडियामा लेखिएको सन्देशमा कविको प्रसिद्ध पंक्ति- “बल बीर चीर उन्नत मम शिर-लाई उद्धृत गर्दै भनिन्, नजरुलको धर्मनिरपेक्षता औ मानवीय मूल्यले नै समाजलाई नयाँ दिशा दिने कार्य गरिरहेको छ र उनको सरकारले उनकै आदर्शहरूलाई अगाड़ि बढा़इरहेको छ।

मुख्यमन्त्रीले स्मरण गराइन्, राज्य सरकारले कविको स्मृतिलाई सम्हाल्नको लागि केही महत्वपूर्ण कदमहरू उठाएको छ। आसनसोल नजिक काजी नजरुल विश्वविद्यालयको स्थापना, अंडालको ग्रीनफील्ड हवाईअड्डाको नाम परिवर्तन गरेर काज़ी नजरुल इस्लाम अन्तरराष्ट्रीय हवाईअड्डा राख्ने, ‘नजरुल तिर्थ’ औ ‘पश्चिम बंगाल काज़ी नजरुल इस्लाम अकादमी’- को निर्माण, तथा कोलकाता मेट्रोका केही स्टेशनहरूलाई कविको नामसित जोड़्नु यसै प्रयासहरूको एक भाग हो। उनले भनिन्, अकादमीबाट कविमाथि लगातार शोधपूर्ण पुस्तकहरू प्रकाशित गरिरहेको छ।

ममता ब्यानर्जीले आफ्नो सन्देशमा यो पनि स्पष्ट पारिन्, आजको दिन उनले संकल्प लिएकी छन् कि रविन्द्र-नजरूलको भाषा बंगलाको अपमानलाई कुनै पनि मूल्यमा सहन गरिनेछैन। यसको प्रतिकारको लागि हर आवश्यक कदम उठाउनको लागि राज्य सरकार तयार छ।

हिन्दुस्थान समाचार / उष्णता छेत्री शर्मा