डिब्रुगढ़ (असम), 29 अगस्त (हि.स.)। मोबाइललाई लिएर भएको विवादको कारण उषापुरमा भएको एक जना व्यक्तिको हत्या मामिलामा पुलिसले आरोपीलाई पक्राउ गरेको छ। ज्ञात रहोस्, दुलियाजान नजिक जयपुर पुलिस थाना क्षेत्रस्थित उषापुर गाउँमा गए राति हत्या भएको थियो।

उषापुर जालनी गाउँका भाइकन बोरा (55) नामक व्यक्तिले उषापुर क्षेत्रका प्रफुल्ल बोड़ा (70) नामक व्यक्तिमाथि धारिलो दावले प्रहार गरेर गम्भीर रूपमा घाइते बनाइदियो। पछि परिवारका सदस्यहरूले प्रफुल्ल बोड़ालाई घटनास्थलबाट बचाएर दुलियाजान अयल इण्डियाको अस्पतालमा भर्ती गराए। तर चिकित्सकहरूले प्रफुल्ललाई मृत घोषित गरिदिए।

उक्त घटनाको कारण उषापुरमा सन्त्राष फैलिएको छ। सूचना पाउनसाथ घटनास्थलमा पुगेको पुलिसले प्रफुल्ल बोड़ाको शवलाई पोस्टमार्टम गर्नको लागि डिब्रुगढ़स्थित असम मेडिकल कलेज एवं अस्पतालमा पठाइदियो। साथै हत्याका आरोपी भाइकन बोरालाई पक्राउ गरी जयपुर पुलिसले थानामा पुऱ्यायो जहाँ उसित गहन जाँचबुझ भइरहेको छ।

हिन्दुस्थान समाचार / उष्णता छेत्री शर्मा