कोलकाता, 29 अगस्त (हि.स.) । वामपन्थी छात्र संगठन एसएफआई (एसएफआई) फेरि एकपटक विवादमा परेको छ। संगठनको दक्षिण दमदम-3 आञ्चलिक समितिकी एकजना महिला सदस्यले आरोप लगाएकी छन्, एसएफआई, राज्य समितिका सदस्य तथा उत्तर 24 परगना जिल्लाका नेतृत्व विद्यार्थी नेताले उनी समक्ष बारम्बार अश्लील प्रस्ताव राखे।

आरोप छ, नेताले उनलाई एक्लै मदिरा पिउने तथा दमदम क्यान्टोनमेन्टस्थि एक ‘खाली फ्ल्याट’-मा भेट गर्ने निम्ति दिए। साथै कैयौं पटक एक्लै घुम्ने र बस्ने प्रस्ताव पनि राखे। महिलाले आफ्नो सिकायतमा लेखेकी छन्, आरोपी नेताले उनलाई ‘सीपीएम डिजिटल’-मा समाचार प्रकाशित गरिदिने प्रलोभन देखाए अनि लगातार अभद्र, यौन संकेतहरूले भरिएका कुराहरू गरे जसबाट उनी असहज भइन्।

महिलाले आफ्नो पत्रमा यो पनि उल्लेख गरेकी छन्, आरोपीले संगठनकै अर्का पुरूष सदस्यलाई झुटो अश्लील कृत्यमा फसाएको कुरा गरेका थिए। सिकायतकर्ताले कड़ा शब्दमा लेखिन्, “मनोजीत मिश्र जस्ता मानिसहरू तृणमूलमा मात्र नभएर हाम्रो संगठनमा पनि छ। यस्ता मानिसहरूले विश्वासको फाइदा उठाएर फोहोर फैलाउँछन्।”

भनिन्छ, आरोपी छात्र नेता उत्तर 24 परगनाको लेक टाउन क्षेत्रका हुन् जसको एसएफआईमा ठूलो प्रभाव छ। महिला नेताले आरोप लगाइन्, जिल्ला स्तरमा सिकायत गरेको भए पनि अहिलेसम्म कुनै कारबाही भएको छैन।

यो मामिला अब एसएफआईका राज्य नेतृत्वसम्म पुगेको छ। संगठनका राज्य सचिव देवाञ्जन डेले शुक्रवार बताए, “हामीलाई सिकायत प्राप्त भएको छ। संंगठनले तत्काल कारबाहीको प्रक्रिया शुरू गरेको छ। सम्बन्धित महिलासित पनि बातचित भएको छ। एसएफआाईले कुनै पनि स्थितिमा यस किसिमको घटनालाई सहन गर्नेछैन।” यद्यपि आरोपी नेताविरूद्ध अहिलेसम्ममा कुन ठोस कदम उठाइएको छ, त्यसबारे उनले केही पनि बताएनन्।

हिन्दुस्थान समाचार / उष्णता छेत्री शर्मा