गुवाहाटी, 29 अगस्त (हि.स.)। असमको राजधानी गुवाहाटीको सोनापुर पुलिसले अनुसन्धानको क्रममा छ सदस्यीय चोरहरूको एक गिरोहलाई पक्राउ गरेको छ। चोरहरूको गिरोहले सोनापुरको मिलनपुरस्थित फ्लिपकार्टको कार्यालयबाट गत 26 अगस्तको राति लक भत्काएर 4 लाख रुपियाँ नगद सहित प्रचुर मात्रामा सामानहरू चोरेर भागेको थियो।

सोनापुर पुलिसले शुक्रवार बतायो, फ्लिपकार्ट प्रबन्धनद्वारा दर्ता गरिएको सिकायतको आधारमा सोनापुर पुलिसले तत्काल कारबाही गर्दै चोरहरूको गिरोहलाई पक्राउ गर्न सफल भएको छ। पक्रा पर्ने आरोपीहरूमा सोनापुरको दुलाल बरदलै, देरगाउँका विश्वजीत बोरा, यदुमनी ताँती, सोनापुरका सनातन काठार, विष्णु बोड़ो र रिंकु छेत्री सामेल छन्। यस गिरोहबाट पुलिसले नगद राशि 2,62,950 रुपियाँ, चोरीमा उपयोग गरिएको दुईवटा स्कुटी, कपड़ा र 6 वटा मोबाइल जफत गरेको छ।

आरोपीहरूमध्ये तीन जना क्रमैले विश्वजीत बोरा, यदुमनी ताँती र सनातन काठार नामक युवा फ्लिपकार्टमै कार्यरत थिए। घटनाको सन्दर्भमा सोनापुर पुलिसले मामिला दर्ता गरी जाँचलाई जारी राखेको छ।

हिन्दुस्थान समाचार / उष्णता छेत्री शर्मा