कोलकाता, 29 अगस्त (हि.स.)। महेशतला थाना अन्तर्गत सन्तोषपुर क्षेत्रमा रेलवे ट्र्याकको किनारमा गए बिहीवार अबेर राति एक जना महिलाको रगताम्मे शव भेटियो जसले गर्दा क्षेत्रमा कोकोहोलो मच्चियो। मृतकाको पहिचान कोलकाताको जादवपुर निवासी रिंकु समाद्दार (39)-को रूपमा भएको छ।

स्थानीय मानिसहरूले सबैभन्दा पहिला सन्तोषपुर पहाड़पुर रोड नजिक रेलवे ट्र्याक किनारमा महिलालाई गम्भीर घाइते अवस्थामा देखेपछि तुरून्त पुलिसलाई सूचित गरे। महेशतला थाना पुलिस र जीआरपीले घटनास्थलमा पुगेर महिलालाई अस्पतालमा पुऱ्यायो जहाँ चिकित्सकहरूले उसलाई मृत घोषित गरिदिए।

पुलिसले शव नजिकबाट एउटा ब्याग भेटेको छ जसमा मोबाइल फोनको चार्जर र आधार कार्ड छ। आधार कार्डबाट मृतकाको पहिचान स्पष्ट गरिएको छ।

अब पुलिस समक्ष धेरै वटा प्रश्नहरू तेर्सिएका छन्- के महिलाले आत्महत्या गरेकी हुन्, कसैले उसको हत्या गरी शवलाई पटरीमा फालिदिएको हो वा कुनै दुर्घटना थियो? यी तमाम पक्षहरूको जाँच शुरू गरिएको छ।

हिन्दुस्थान समाचार / उष्णता छेत्री शर्मा