कोलकाता, 29 अगस्त (हि.स.)। राजधानीको लेदर कम्प्लेक्स क्षेत्रमा गए बिहीवार राती एकजना महिलाको रगताम्मे शव भेटिनाले खैलाबैला मच्चियो। मृतकाको पहिचान 28 वर्षीय बिलकिस बीबीको रूपमा भएको छ जो पेशाले ट्यानरी कर्मी थिइन्। पुलिसले हत्या भएको आशंका व्यक्त गर्दै घटनाको जाँच शुरू गरेको छ।
जानकारी अनुसार बिलकिस बीबी र उनका पति करिम गाजी दुवै नै लेदर कम्प्लेक्सस्थित भिन्न-भिन्न ट्यानरीमा काम गर्दथे। हाल भांगड़को घटकपुकुरमा भाड़ाको घरमा बस्दै आइरहेका यी दम्पति दिनहुँ सँगै आउने-जाने गर्दथे। बिलकिस करिमको दोस्रो पत्नी रहेको बताइएको छ।
गए बिहीवार साँझ करिम आफ्नो ट्यानरीमा काम गरिरहेका थिए, अचानक बाहिरबाट उनले चित्कार सुने। बाहिर निक्लेर हेर्दा आफ्नै पत्नी भुइँमा रगताम्मे भएर लड़िरहेकी थिई। करिमले तत्कालै उसलाई अस्पतालमा पुऱ्याए जहाँ चिकित्सकहरूले उलाई मृत घोषित गरिदिए। पछि शवलाई एसएसकेएम अस्पतालमा पठाइयो।
पुलिस सूत्र अनुसार घटना लेदर कम्प्लेक्सको दुई नम्बर गेटस्थित प्लान्ट नम्बर- 6 नजिकै भएको हो। प्राथमिक जाँचमा आशंका व्यक्त गरिँदैछ कि बिलकिसमाथि धारिलो हतियारले कैयौं पटक प्रहार गरियो। हाल पुलिसले पति करिमसित जाँचबुझ गरिरहेको छ साथै वरपरका क्षेत्रमा पनि प्रमाण खोजिरहेको छ।
हिन्दुस्थान समाचार / उष्णता छेत्री शर्मा