मुख्यमन्त्रीले पुरीमा पवित्र जगन्नाथ मन्दिरको भ्रमण गरे
गान्तोक, 29 अगस्त (हि.स.)। ओडिशा भ्रमणमा रहेका मुख्यमन्त्री प्रेमसिंह तामाङले शुक्रवार बिहान पुरीमा पवित्र जगन्नाथ मन्दिरको भ्रमण गरेर पूर्जा अचर्ना-गरे। उक्त जानकारी उनले आज सामाजिक सञ्जाल फेसबुक पोस्टमा दिएका छन्।
मुख्यमन्त्रीले आज बिहान पुरीमा शान्ति, भक्ति र आध्यात्मिक ऊर्जा सञ्चार गर्ने दिव्य निवास पवित्र जगन्नाथ मन्दिरको भ्रमण गरेको जानकारी गराएका छन्। उनले यो अनुभव विनम्र र उत्साहवर्धक दुवै थियो, जसले मेरो हृदयलाई अपार कृतज्ञता र श्रद्धाले भरिदियो भनी बताएका छन्।
यस अवसरमा सिक्किमका जनताको तर्फबाट राज्यमा अनन्त शान्ति, समृद्धि र कल्याणको लागि भगवान जगन्नाथको दिव्य आशीर्वाद माग्दै प्रार्थना गरेको जानकारी गराएका छन्।
हिन्दुस्थान समाचार / बिशाल
सम्बन्धित समाचार
