गान्तोक, 29 अगस्त (हि.स.)। चर्चित हकी खेलाडी मेजर ध्यानचन्दको जन्मदिनको अवसरमा मनाइने राष्ट्रिय खेल दिवसमा मुख्यमन्त्री प्रेमसिंह तामाङले सम्पूर्ण खेलाडी दाजुभाइ तथा दिदी-बहिनीहरूलाई हार्दिक शुभकामना व्यक्त गरेका छन्।
मुख्यमन्त्रीले आफ्नो सन्देशमा भारतीय हकीका एक महान खेलाडीप्रति श्रद्धाञ्जलि अर्पण गर्दै, खेल क्षेत्रलाई अगाडि बढाउन निरन्तर मेहनत गरिरहने सबै व्यक्तिहरू—राष्ट्रिय र राज्य खेल सङ्घ, संस्थाहरू तथा खेल-प्रेमीहरूलाई बधाई दिएका छन्।
मुख्यमन्त्रीले भने, राष्ट्रिय खेल दिवस-२०२५ सबै उमेर समूहका भारतीयलाई खेलकुदमा सक्रिय हुन र स्वस्थ जीवनशैली अप्नाउन प्रेरित गर्ने उद्देश्यले मनाइँदैछ। भारत सरकारको खेल मन्त्रालयले ल्याएको “हर गली, हर मैदान, खेले सारा हिन्दुस्तान” र “खेले भी, खिले भी” जस्ता नाराहरू निकै प्रेरणादायी छन्।
मुख्यमन्त्रीले यस्ता अवसरले हामी सबैलाई फेरि खेलकुदप्रति उत्साहित बनाओस्, स्वस्थ बानीहरू अप्नाउन प्रेरित गरोस् र हाम्रो नयाँ पुस्तालाई खेलमा उत्कृष्ट बन्न प्रोत्साहन गरोस् भन्ने कामना गरेका छन्।
हिन्दुस्थान समाचार / बिशाल
