नयाँ दिल्ली, 22 सेप्टेम्बर (हि.स.)। शारदीय नवरात्रिको पावन पर्व देशभरिमा श्रद्धा र भक्तिको साथ शुरू भएको छ। यस अवसरमा प्रधानमन्त्री नरेन्द्र मोदी, केन्द्रिय गृहमन्त्री अमित शाह, कांग्रेस अध्यक्ष मल्लिकार्जुन खरगे समेत तमाम राजनेताहरूले सोशल मीडिया प्लेटफार्म एक्सको माध्यमले देशवासीहरूलाई शुभकामना दिँदै माँ दुर्गासित सुख-समृद्धिको कामना गरे।
प्रधानमन्त्री नरेन्द्र मोदीले भने, साहस, संयम र संकल्पको भक्ति-भावले भरेको यो पावन पर्वले हरेकको जीवनमा नयाँ शक्ति र नयाँ विश्वास लिएर आओस्। उनले सबै देशवासीहरूलाई नवरात्रिको अनन्त शुभकामना दिए।
केन्द्रिय गृहमन्त्री अमित शाहले नवरात्रिलाई माँ भगवतीको आऱाधना र शक्ति संचयको महापर्व बताए। उनले भने, यो पर्वले सबैको जीवनमा अनन्त खुशी ल्याओस् र माँ दुर्गाको कृपा सदैव हामीमाथि बनिरहोस्।
केन्द्रिय सड़क परिवहन मन्त्री नितिन गडकरीले नवरात्रिको पहिलो दिन माँ शैलपुत्रीको कोटि-कोटि वन्दन गरे। उनले कामना गरे कि देवी माँले सबैलाई नयाँ शक्ति र उर्जा प्रदान गरुन्।
कांग्रेस अध्यक्ष मल्लिकार्जुन खरगेले नवरात्रिको शुभकाम दिँदै भने, माँ आदिशक्तिको अनुकम्पा सबैमाथि बनिरहोस् र यो पर्वले देशवासीहरूमा सुख, समृद्धि र शान्तिको संचार गरोस्।
लोकसभामा नेता प्रतिपक्ष राहुल गान्धीले एक्समा गरिएको आफ्नो एक्स पोस्टमा भनेका छन्, माँ दुर्गाको कृपाले सबैको जीवनमा सदैव सुख, शान्ति र समृद्धि बनिरहोस्।
हिन्दुस्थान समाचार / भवानी थामी
