उत्तरकाशी, २९ सेप्टेम्बर (हि.स.)। उत्तराखण्डका चार धाममध्ये एक गंगोत्री धामका कपाट यस वर्ष अन्नकूट पर्वको दिन २२ अक्टोबरमा धार्मिक विधि विधानका साथ शीतकालीन अवधिका लागि बन्द गरिने छ। त्यसपछि गंगाजीको भोग मूर्ति डोली यात्रासहित मुखबातर्फ लगिनेछ। यसैगरी, यमुनोत्री धामका कपाट बन्द गर्ने मिति २ अक्टोबर (विजय दशमी)को दिन बस्ने बैठकमा तोकिनेछ।
श्री गंगोत्री पाँच मन्दिर समिति सचिवले सोमबार जानकारी दिँदै भने, यस वर्ष गंगोत्री धामका कपाट २२ अक्टोबर बिहान ११:३६ बजे अभिजीत मुहूर्तमा बन्द गरिनेछ। त्यसपछि माँ गंगाको उत्सव डोली चण्डी देवी मन्दिरमा एक रात बस्नेछ र अर्को दिन अर्थात् २३ अक्टोबरमा मूर्ति मुखबास्थित शीतकालीन मन्दिरमा विराजमान गराइनेछ।
शारदीय नवरात्र समाप्त भएपछि उत्तराखण्डका चार धाम (गंगोत्री, यमुनोत्री, केदारनाथ, बद्रीनाथ) का मन्दिर कपाट बन्द गर्ने र देवप्रतिमालाई शीतकालीन प्रवासस्थलमा लग्ने परम्परा सुरु हुन्छ। यमुनोत्री मन्दिर समिति प्रवक्ता पुरुषोत्तम उनियालका अनुसार, यमुनोत्री धामको कपाट बन्द हुने मुहूर्त २ अक्टोबरमा घोषणा गरिनेछ।
यस पटक भाईटिका 23 सेप्टेम्बरमा परेको छ। यमुनाजीको डोली लिन खरसाली गाउँबाट शनि महाराजको डोली यमुनोत्री पुग्छ र शनि महाराजको नेतृत्वमा माँ यमुनाको डोली खरसाली फर्काइन्छ। कपाट बन्द भएपछि श्रद्धालुले खरसालीस्थित यमुना मन्दिरमा यमुनाको दर्शन गर्न सक्नेछन्।
---------------
हिन्दुस्थान समाचार / भवानी थामी
30 Sep 2025