नरसिंहपुर, २९ सेप्टेम्बर (हि.स.)। मध्यप्रदेशका पञ्चायत एवं ग्रामीण विकास मन्त्री तथा नरसिंहपुर विधायक प्रह्लाद सिंह पटेल र पूर्व राज्यमन्त्री जालम सिंह पटेलकी माता यशोदाबाई पटेलको आइतवार राति निधन भएको छ।

उनी करिब एक सातादेखि बिरामी थिइन् र जबलपुरको अपोलो अस्पतालमा उपचाररत थिइन्। त्यहाँ ८८ वर्षको उमेरमा उनले अन्तिम सास फेरेकी हुन्। मन्त्री प्रह्लाद सिंह पटेलले आफैंले सामाजिक सञ्जालमार्फत यो जानकारी दिएका हुन्।

उनले एक्समा लेखेका छन्— “मेरो प्रेरणा र शक्ति दिने पूजनीय माताजीले श्रीधाम (गोटेगांव)मा राति ३:२० बजे अन्तिम सास लिनुभयो। आमाले आमाकै गोदमा स्थान पाउनुभयो।”

परिवारका अनुसार, आज गोटेगांवस्थित निज निवासबाट मुक्तिधामसम्म अन्तिम यात्रा निकालिनेछ। आमाको निधनको खबर फैलिँदै क्षेत्रभरि शोकको लहर छाएको छ।

मुख्यमन्त्री डा. मोहन यादवले पनि मन्त्री प्रह्लाद सिंह पटेलकी आमाको निधनप्रति गहिरो दु:ख व्यक्त गरेका छन्। उनले सामाजिक सञ्जालमार्फत लेख्दै भने— “प्रह्लाद सिंह पटेलकी माताजीलाई माता रानीका चरणमा स्थान मिलोस् र उनलाई मोक्ष प्राप्त होस्। म प्रह्लाद सिंह पटेल र उनको परिवारप्रति गहिरो समवेदना व्यक्त गर्दछु।”

---------------

हिन्दुस्थान समाचार / भवानी थामी