नयाँ दिल्ली, ११ जनवरी (हि.स.)। केन्द्रिय गृह तथा सहकारिता मन्त्री अमित शाह र केन्द्रिय सड़क यातायात तथा राजमार्ग मन्त्री नितिन गडकरीसहित विभिन्न मन्त्रीहरू र भारतीय जनता पार्टी (भाजपा) का नेताहरूले आज पूर्व प्रधानमन्त्री तथा ‘भारत रत्न’ लालबहादुर शास्त्रीको पुण्यतिथिको अवसरमा श्रद्धाञ्जली अर्पण गरे।

अमित शाहले सामाजिक सञ्जाल ‘एक्स’ मा लेख्दै भने, “पूर्व प्रधानमन्त्री तथा ‘भारत रत्न’ लालबहादुर शास्त्रीको पुण्यतिथिमा उहाँलाई कोटि–कोटि नमन। संकटको समयमा ‘जय जवान, जय किसान’ को उद्घोष गर्दै शास्त्रीजीले देशको आत्मनिर्भरता र सुरक्षाको सुन्दर समन्वय प्रस्तुत गर्नुभयो। उहाँको सादगीपूर्ण जीवन प्रत्येक समाजसेवीका लागि प्रेरणाको स्रोत हो।”

नितिन गडकरीले भने, देशका पूर्व प्रधानमन्त्री तथा ‘जय जवान, जय किसान’ का प्रणेता भारत रत्न लालबहादुर शास्त्रीको पुण्यतिथिमा उहाँलाई विनम्र श्रद्धाञ्जली अर्पण गर्दछु।

केन्द्रिय कृषि तथा किसान कल्याण मन्त्री शिवराज सिंह चौहानले भने, राष्ट्रसेवा र समाजका कमजोर वर्गको उत्थानका लागि समर्पित उहाँको ध्येयपूर्ण जीवन सबैका लागि महान प्रेरणास्रोत हो।

केन्द्रिय शिक्षा मन्त्री धर्मेन्द्र प्रधानले भने, लालबहादुर शास्त्री नैतिकता, सादगी र राष्ट्रनिष्ठाका जीवन्त प्रतीक हुनुहुन्थ्यो। सीमित साधनबीच पनि देशलाई आत्मविश्वास र संकल्पको शक्ति दिने उहाँको जीवन प्रत्येक भारतीयका लागि प्रेरणादायी छ।

केन्द्रिय आवास तथा शहरी मामिला मन्त्री मनोहर लालले भने, शास्त्रीजीको कर्तव्यनिष्ठा र जीवन मूल्यहरूले आज पनि करोडौँ देशवासीलाई कर्तव्यपथमा अघि बढ्न प्रेरित गरिरहेका छन्।

भाजपाका राष्ट्रिय कार्यकारी अध्यक्ष नितिन नबीनले भने, शास्त्रीजीको सादगीपूर्ण जीवन, अडिग संकल्प र ‘जय जवान, जय किसान’ को कालजयी मन्त्रले देशलाई आत्मबलले भरिपूर्ण बनाउँदै सेवा र कर्तव्यको मार्गमा निरन्तर अगाडि बढ्न प्रेरणा दिइरहनेछ।

दिल्लीकी मुख्यमन्त्री रेखा गुप्ताले भनिन्, उहाँको जीवन राष्ट्रसेवा, सादगी र इमानदारीको प्रतीक थियो। ‘जय जवान, जय किसान’ को उहाँको सन्देश आज पनि प्रत्येक भारतीयलाई कर्तव्य र समर्पणको मार्गमा अग्रसर गरिरहेको छ।

भाजपा प्रवक्ता सम्बित पात्राले भने, शुचिता, सादगी र कर्तव्यनिष्ठाका आदर्श प्रतिमूर्ति तथा ‘जय जवान–जय किसान’ का उद्घोषक, पूर्व प्रधानमन्त्री ‘भारत रत्न’ लालबहादुर शास्त्रीको त्यागमय जीवन हामी सबैका लागि मार्गदर्शक हो।

भाजपाका वरिष्ठ नेता मुख्तार अब्बास नकवीले भने, राजनीतिक तथा सामाजिक जीवनमा शुचिता र सादगीका प्रतिमूर्ति, ‘जय जवान, जय किसान’ को नारा दिने पूर्व प्रधानमन्त्री ‘भारत रत्न’ लालबहादुर शास्त्रीको पुण्यतिथिमा श्रद्धासुमन अर्पण गर्दछु।

---------------

हिन्दुस्थान समाचार / भवानी थामी