गान्तोक, 15 जनवरी (हि.स.)। सिक्किम विधानसभाका अध्यक्ष एमएन शेर्पा र विधानसभा सचिवालयका सचिव ललित गुरुङ आज नयॉं दिल्लीमा आयोजित राष्ट्रमण्डलका अध्यक्ष र पीठासीन अधिकारीहरूको 28औं सम्मेलनमा सहभागी बने। संसद भवनको संविधान भवनको केन्द्रिय हलमा आयोजित यस कार्यक्रमको उद्घाटन प्रधानमन्त्री नरेन्द्र मोदीले गरेका थिए।
सिक्किम विधानसभा सचिवालय अनुसार, सम्मेलनलाई प्रधानमन्त्री नरेन्द्र मोदी र लोकसभा अध्यक्ष ओम बिरलाले सम्बोधन गरेका थिए। स्वागत मन्तव्य राज्यसभाका उपसभापति हरिवंशले प्रस्तुत गरे। अन्तर-संसदीय संघका अध्यक्ष डा. तुलिया एक्सन र राष्ट्रमण्डल संसदीय संघका अध्यक्ष क्रिस्टोफर कलिलाले पनि आफ्नो मन्तव्य राखे।
सम्मेलनले समसामयिक संसदीय मुद्दाहरूमा छलफल गर्नेछ, जसमा लोकतान्त्रिक संस्थाहरूलाई सुदृढ़ पार्न अध्यक्षको भूमिका, संसदीय कामकाजमा कृत्रिम बुद्धिमत्ताको प्रयोग, संसदका सदस्यहरूमा सामाजिक सञ्जालको प्रभाव र मतदानभन्दा बाहिर नागरिक सहभागिता बढ़ाउने नवीन तरिकाहरू समावेश छन्।
सम्मेलनमा ४२ राष्ट्रमण्डल देशहरू र चार अर्ध-स्वायत्त विधायिकाका ६१ अध्यक्ष र पीठासीन अधिकारीहरू सामेल रहेको बताइएको छ।
हिन्दुस्थान समाचार / बिशाल
