मधेपुरा, १७ जनवरी (हि.स.)। बिहारको मधेपुरा जिल्लामा शनिबार बिहान मधेपुरा–वीरपुर राष्ट्रिय राजमार्ग (एनएच–१०६) मा तीव्र गतिमा आएको हाइवा र कारबीच भएको भीषण ठक्करमा कारमा सवार चार युवाको घटनास्थलमै मृत्यु भएको छ। यो दुर्घटना सदर थाना क्षेत्रअन्तर्गत विद्युत् कार्यालय (पावर ग्रिड) र बीएन मण्डल विश्वविद्यालय नजिकै भएको हो।

प्राप्त जानकारीअनुसार, शनिबार बिहान कुहिरो र अन्धकारका बीच विपरीत दिशाबाट आएको अनियन्त्रित हाइवाले कारलाई अगाडिबाट जोरदार ठक्कर दिएको थियो। ठक्कर यति भीषण थियो कि कारको अगाडिको भाग पूर्ण रूपमा क्षतिग्रस्त बनेर हाइवाको मुनि पस्यो।

दुर्घटनामा कारमा यात्रा गरिरहेका चारै युवाले घटनास्थलमै ज्यान गुमाए। स्थानीय बासिन्दाका अनुसार, ठक्करको आवाज यति ठूलो थियो कि वरपरका मानिसहरू आतंकित बनेका थिए।

हिन्दुस्थान समाचार / भवानी थामी