कुचबिहार, 10 अक्टोबर (हि.स.)। शहरको ऐतिहासिक नरेन्द्र नारायण पार्कमा पूजा बोनस नपाएका कारण आक्रोशित एकजना सफाई कर्मचारीले शनिवार विरोध प्रदर्शन गरे। उनले पार्कको मुख्य गेट अगाडि फोहोर जम्मा गरेर प्रवेश द्वारलाई बन्द गरिदिए। यसले गर्दा पर्यटक एवं पार्क भ्रमणमा आउने अन्य मानिसहरूलाई असुविधा भयो।
प्रदर्शनकारी बापा हरिजनले आरोप लगाे, उनकी आमाले करिब 40 वर्षदेखि पार्कमा सफाईकर्मीको रूपमा काम गर्दै आइरहेकी छन् भने वर्तमानमा उनी स्वयंले पनि यो जिम्मेवारी निभाइरहेका छन्। तथापि अहिलेसम्म वेतन वृद्धि भएकोछैन। उनी भन्छन्, हरेक वर्ष दुर्गा पूजाअघि बोनस दिने आश्वासन दिइन्छ, तर वास्तवमा उनले बोनस पाउँदैनन्। यस वर्ष पनि पूजाअघि बोनस नपाएपछि उनी पार्कका वरिष्ठ अधिकारी समक्ष उजुरी गर्न गएका थिए। तर त्यहाँबाट सन्तोषजनक प्रतिक्रिया नआएपछि उनले पार्कको मुख्य द्वार अगाडि फोहोर जम्मा गरेर विरोध प्रदर्शन गरे। यसकारण छुट्टीमा पार्क भ्रमण गर्न आएका धेरै मानिसहरू प्रवेशद्वारमै रोकिए।
यता पार्कका सुपरभाइजर गणेश राउतले बताए, वरिष्ठ अधिकारीलाई यो घटनाबारे जानकारी छैन। लामो समयदेखिकै काम गर्दै आएका सफाईकर्मीले पूजा बोनस किन पाएनन्, प्रश्न उठिरहेको छ।
/ बिशाल
