किश्तवाड, 16 अक्टोबर (हि.स.)। जम्मू-कश्मीरको किश्तवाड जिल्लामा हराएका विशेष पुलिस अधिकारी (एसपीओ) बशीर अहमद शुक्रबार बिहान आफ्नो घरनजिक मृत अवस्थामा फेला परेका छन्। यस क्रममा उनको सेवामा प्रयोग हुने एसएलआर राइफल पनि बरामद गरिएको छ। अधिकारीहरूले यसको पुष्टि गरेका छन्।
अधिकारीहरूका अनुसार, ५५ वर्षीय बशीर अहमद बिहिबार राति आफ्नो सेवाको राइफल र एउटा म्यागजिनसहित हराएका थिए। वनीपोरा त्रिगामको मूसाधर निवासी बशीर २०२५ देखि पेदिल चौकीमा तैनाथ थिए।
उनी हराएको सूचना प्राप्त भएपछि पुलिसले सुरक्षा बलहरूसँग मिलेर व्यापक खोजी अभियान शुरु गरेको थियो। अधिकारीहरूका अनुसार, बशीर शुक्रबार बिहान करिब ७ बजी आफ्नो ड्युटी पोस्टबाट घर जान निस्किएका थिए। लामो समय बितिसक्दा पनि उनी घर नपुगेपछि परिवारका सदस्यहरू चिन्तित बनेका थिए।
बशीर अहमदकी पत्नीले उनी निर्धारित समयमा घर नफर्किएपछि आफू आत्तिएर पुलिस चौकी पुगेको र घटनाबारे जानकारी गराएको बताएकी छन्। घटनाबारे विस्तृत विवरण आउन बाँकी छ।
हिन्दुस्थान समाचार / भवानी थामी
16 Oct 2026
