रायपुर, १७ अक्टोबर (हि.स.)। राष्ट्रपति द्रौपदी मुर्मू आगामी २२ र २३ अक्टोबरमा दुईदिने छत्तीसगढ़ भ्रमणमा रहनेछिन्। उनी बस्तर दशहरामा आयोजित कार्यक्रममा सहभागी हुनेछिन्। यस क्रममा उनले रायपुर र जगदलपुरमा विभिन्न कार्यक्रममा सहभागिता जनाउनेछिन्।
मुख्यमन्त्री कार्यालय अनुसार, २२ अक्टोबरमा दिउँसो १२:४५ बजी रायपुर स्थित लोक भवनमा आयोजित कार्यक्रममा पूज्य माता हासी देवीको सम्मानमा २०० रुपियाँको स्मारक सिक्का जारी गर्नेछिन्। साँझ ४ बजी रायपुरको इन्डोर स्टेडियममा नुआखाई पर्वको अवसरमा आयोजित ‘सेवा सम्मान पर्व’ तथा ‘युवा प्रबोधन’ कार्यक्रममा उनी प्रमुख अतिथिका रूपमा उपस्थित रहनेछिन्।
त्यस्तै, दोस्रो दिन अर्थात् २३ अक्टोबरमा राष्ट्रपति बिहान ११ बजी जगदलपुर स्थित माँ दन्तेश्वरी मन्दिरमा पूजा-अर्चना गर्नेछिन्। त्यसपछि दिउँसो १२:४५ बजी जगदलपुरको लालबाग मैदानमा आयोजित ऐतिहासिक तथा परम्परागत ‘मुरिया दरबार’ र बस्तर दशहरामा सहभागी हुनेछिन्। यस क्रममा उनले माझी–चालकी, पुजारी तथा आदिवासी समुदायका नेताहरूसँग प्रत्यक्ष संवाद गर्नेछिन्।
उल्लेखनीय छ, बस्तर दशहरा विश्वप्रसिद्ध छ र यसको समापन ‘मुरिया दरबार’ सँगै हुन्छ, जसलाई आदिम जन संसद पनि भनिन्छ। मुख्यमन्त्री विष्णु देव सायको विशेष निमन्त्रणामा राष्ट्रपति यस उत्सवमा सहभागी हुन लागेकी हुन्।
राष्ट्रपतिको भ्रमण कार्यक्रमको तयारीलाई लिएर हालै मुख्य सचिव विकासशीलले बैठक बोलाएका थिए। बैठकमा राष्ट्रपतिको भ्रमणका क्रममा कार्यक्रमस्थलमा सुरक्षा व्यवस्था तथा यातायात लगायत सबै आवश्यक प्रबन्धका मापदण्ड सुनिश्चित गर्न निर्देश दिइएको छ। राष्ट्रपतिको यस कार्यक्रमका लागि संस्कृति विभागलाई नोडल विभाग बनाइएको छ।
हिन्दुस्थान समाचार / भवानी थामी
