नयाँ दिल्ली, १७ अक्टोबर (हि.स.)। भारतीय जनता पार्टी (भाजपा) ले कांग्रेस नेता राहुल गान्धी र उनका सहयोगीहरूले भीड़को शक्तिका माध्यमबाट लोकतन्त्र र न्यायपालिकालाई डराउने प्रयास गरिरहेको आरोप लगाएको छ। भाजपाले कांग्रेसको इतिहास उल्लेख गर्दै उक्त पार्टीमाथि लोकतान्त्रिक संस्थाहरूलाई निशाना बनाउने र राजनीतिक टकरावका लागि युवाहरूको प्रयोग गर्ने आरोप लगाएको छ।
भाजपाका मुख्यालय प्रभारी एवं राज्यसभा सांसद तरुण चुगले शनिवार एक बयान जारी गर्दै परिवारवादी तानाशाहीको राजनीति अन्तर्गत सर्वोच्च अदालत, लोकतन्त्र, निर्वाचन आयोग र देशका संवैधानिक संस्थाहरूलाई धम्क्याउने प्रयास भइरहेको बताए। उनले यस प्रकारको राजनीति मार्फत देशमा भयको वातावरण सिर्जना गर्ने प्रयास भइरहेको आरोप लगाए।
भाजपा सांसद चुगले राहुल गान्धीलाई कांग्रेसको इतिहास स्मरण गराउँदै कांग्रेसको शासनकालमा देशले आपत्कालको समय देखेको बताए। उनले सन् १९८४ को सिख विरोधी दङ्गाको उल्लेख गर्दै त्यस समयमा धेरै शहरहरूमा सिखहरूलाई जिउँदै जलाइएको बताए। चुगले सन् १९९० मा अयोध्यामा कारसेवकहरूको मृत्यु भएको घटनाको पनि उल्लेख गर्दै देशले यी घटनाहरू बिर्सेको छैन भने।
चुगले भोपाल ग्यास त्रासदी र बोफोर्स प्रकरणको उल्लेख गर्दै पनि कांग्रेसमाथि निशाना साधे। उनले देशले यी घटना र विवादहरूलाई आज पनि स्मरण गरिरहेको बताए। उनले राहुल गान्धी र कांग्रेसले लोकतान्त्रिक विरोधको नाममा देशका युवाहरूलाई राजनीतिक टकरावको हिस्सा बनाइरहेको आरोप लगाए। उनले लोकतन्त्रमा विरोध गर्ने अधिकार रहेको, तर यसको प्रयोग राजनीतिक सङ्घर्षलाई बढ़ावा दिन र संस्थाहरूमाथि दबाब सिर्जना गर्न नहुने बताए।
हिन्दुस्थान समाचार / भवानी थामी
