खुन्ती, 02 अक्टोबर (हि.स.)। रनिया थाना अन्तर्गत सोदे गाउँमा गए बिहीवार साँझ कोयल नदीमा डुबेका 6 वर्षीय अजलान मियाँको शव गाउँलेहरूले शुक्रवार बिहान फेला पारेका छन्। लगभग 15 घण्टासम्म भएको खोजपछि बालकको शव नदीको एउटा ठूलो दहमा तैरिरहेको अवस्थामा फेला पऱ्यो। शव भेटिएको खबर फैलिएपछि सम्पूर्ण गाउँमा शोक फैलिएको छ। परिवारको रोएर बेहाल भएको छ।
स्थानीयहरूबाट प्राप्त जानकारी अनुसार, सोडे गाउँका बासिन्दा शमिम मियाँका छ वर्षीय छोरा अजलान मियाँ आफ्ना 12 वर्षीय साथी अब्दुल्लाहसँग स्कूलबाट फर्केपछि बिहीवार साँझ 4ः30 बजी कोएल नदी तर्फ गएका थिए। साँझसम्म उनी घर नआएका कारण परिवारका सदस्यहरूले उनलाई खोजी गर्न थाले। गाउँलेहरूसँग सोधपुछ गर्दा अजलान नदीमा नुहाउन गएको र यसै अवधि नदीको तीव्र धारले बगाएको खुलासा थाहा लाग्यो।
त्यसपछि शमिम मियाँ सहित गाउँलेहरू कोयल नदीको किनारमा पुगे। त्यहाँ नदीदेखि केही टाढामा अजलानको लुगा भेटियो। लुगा फेला परेपछि उ नदीमा डुबेको आशङ्काको पुष्टि भयो। गाउँलेहरू तुरुन्तै नदीमा पसेर उसलाई खोज्न शुरू गरे। रनिया पुलिस पनि घटनास्थलमा आइपुग्यो। ग्रामीणहरूसित मिलेर पुलिसले राती लगभग दश बजेसम्म खोजी कार्य गऱ्यो, तर बालकको बारेमा केही पत्तो लाग्न सकेन।
ग्रामीणहरू अनुसार, आजालनको कपड़ा भेटिएको ठाउँमा नदीको बीचमा एउटा ठुलो चट्टान छ । चट्टानको एकातिर नदीको धारा बग्छ भने अर्कोतिर लगभग 50 फुट चौड़ा र 15 फुट गहिरो दह छ। ग्रामीणहरूले उक्त दहमा पनि अबेरसम्म अजलानलाई खोजे।
शुक्रवार बिहान गाउँलेहरू फेरि नदीको छेउमा जहाँ अजलानको शव त्यही दहमाथि तैरिरहेको देखियो। शवलाई पानीबाट बाहिर निकालियो। समाचार पाएपछि मृतक परिवारका सदस्यहरू घटनास्थलमा पुगे। शमिम मियाँको घरमा गाउँले अनि परिचितहरूको भीड जम्मा भएको छ।
छ वर्षीय अजलानको मृत्युले सोदे गाउँमा शोकको लहर छाएको छ।
--------
हिन्दुस्थान समाचार / उष्णता छेत्री शर्मा
